البشر أنواع والعالم فصايل00وكل واحد له عن الآخر مزيه
وأنا عن غيري تميزت بشمايل00في الحلا والزين مالي به حليه
نادره بين البرايا في الخصايل00وفي جمالي فقت نانسي العجرميه
وبنت وهبي لو تجي عندي تمايل00ماتجي في حسن حسني لو شويه
ولو جت زينب تدلع بالجدايل00قلت خسرانه معي ياالعسكريه
وش حلا أريام وإلهام وشمايل00وكيف جبنا بالثرا عند الثريه
الأصايل قدرها عند الأصايل00مانوطي الطاهره عند الرديه
أتحدى هرجة اللي في قايل00وأتقمص في وفاي الآدميه
كني الورده تباهى في الخمايل00حضها لاجيت فيها المزهريه
لأجل عزي أبتعد عن كل مايل00ولاأرتكب لأجله محاذير وخطيه
كل زين" يزعمه موهوم زايل00غير زين" في حجاب الأجوديه
وكل فخر" ينحكي ماله دلايل00تنطفي ناره ولو كانت لظيه
بإلتزام الدين سويت الهوايل00خصني ربي بروح الجاذبيه
راحتي تعمل على الضيقه عمايل00تحذف أحزاني وضمتها وفيه
ماتجر قلوبنا جر الأوايل00مثل ماجرت ملوح عامريه
والنصيحه فن بعصور الزوايل00حطمت بابل وفنون السوماريه
قبل مانعرف سوا وإلا موبايل00النصايح قايمه في الجاهليه
كل من شاهد قبيحات الفعايل00يبعث الإرشاد مخصوص لخويه
وأنا لامني كتبت من المثايل00صار ماعندي مواعيد ورويه
أكتب اللي كاتمه قلبي وشايل00كيف ماتضرب معاي الأبجديه
لأني أجيد الكتابه بالجمايل00وأحمل إشارة زمام الكبتنيه
حسبي إني شاعره مثلي قلايل00وإحترامي للجميع من البريه
شفت ماهاض القريحه من حثايل00من صفات" كدرت صفو السجيه
التشبه باليهود عيب السلايل00حاربي جيشه وحنا لك سريه
عيبنا التقليد لأصحاب الشكايل00لافكر موزون ولاخطوه جريه
نستمد أفكارنا من جو عايل00روحنا الإسلام وأجساد أجنبيه
غزونا فكري ونالوا به عوايل00وحققوا ماخططوا جذب الصبيه
يابنات أنتن من بيوت الحمايل00حافظين الدين بنفوس رضيه
خصنا ربي بفضله والجزايل00حيث شرفنا بالأعمال السويه
غيرنا تحرق ضمايرهم فتايل00كل ليله يكتب لباكر وصيه
إنتحار وهم وإفلاس وقتايل00وإرتطام بحايط الياس وشكيه
كيف نقبلها من أكوام الزبايل00سبوا التوحيد وإجتاحوا نبيه
وش نسوي قالها لسان قايل00لاأمر أملك ولارأي بيديه
في يدينا سلاح فتاك الطوايل00دعوة بإلحاح من نفس" زكيه
وإجتناب أفعالهم قوم الزلايل00منكرين الدين قوم العنصريه
قاطعوهم ياعرب أهل الغلايل00رسمت محمد ترى والله قويه
قالوا إنا أحرار من باب التحايل00زاعمين إن قصدهم مابه دنيه
يكتبون وعندنا حل المسايل00ندحظ الحجه بحجه مذهبيه
يانبي الله نكيل إلهم مكايل00روحنا تفداك وأبشر بالحميه
كلنا لأجلك حبيب الله نضايل00لو وردنا حوض لأسباب المنيه
وللحليب اللي يجي منهم بدايل00يكنزونه عندهم الأعجميه
البقر واجد وخير الله حلايل00وبدل الوحده نلاقي خمس ميه
دللوها وإحلبوها بالقوايل00وسمنوها وإعبدوها ياالغبيه
لذة الجوع وجرعات السوايل00عندنا أحلى من أطباق" غنيه
بينكم ننهي علاقات الوصايل00ولقمة" من صنعكم ماهي شهيه
قافلات إسلامنا عنكم رحايل00قبح الله فعلكم ياالفلسفيه
ذنبكم من صنعكم لكم حصايل00وفي جهنم جمعكم صبح وعشيه
أحتروها صيحة" والله قايل00يمهل ولايهمل بكتابه مضيه
كلمة" هو قالها جلا الجلايل00ينصر إسلامه ونظفر بالقضيه
حزب ربي دايم بفوز وفضايل00وحزب غيره حالهم حال" شقيه
غابرين في العذاب وفي العذايل00وكل واحد فاقد" رمز الهويه
حنا القاده وفزعتنا جبايل00في المواقف نرتمي تحت الشظيه
وأنتم أنصار التخلف والبطايل00خلفنا تمشون وحنا الأوليه
فوق خيل" صوتها جاله صهايل00وبالقدم ندوس عباد وثنيه
ديننا ماتوقفه جمرك قبايل00نزله ربي على العالم هديه
فيه تطهير ووصول" للكمايل00يحمي الإنسان ويسمو به عليه
ومن تشبه وحب قوم" كان آيل00يسقط بحفراتهم ويحشرهم سويه
حددي الغايه قبل حصد العمايل00قبل لاتغني نفس عن نفس شيه
إنبذي أفكارهم شعب الذلايل00مايورث فكرهم غير الأذيه
وكان زليتي بدون أدنى صمايل00لايؤاخذ الفتى في طيب نيه
قلت شعري والشعر غير الرسايل00بالشعر آصل حدود العبقريه
والبشر أنواع وأشكال وفصايل00ولايضحكنا سوى شر البليه:
الإهداءات
البشر أنواع
..
يعطيك الف عافيه اخوي المبدع على التوقيع 
