الخطوة الاولى نحو الجمال ... امحق جمال وامحق شعر والله من جنبهاا

السلام عليكم

اسعد الله اوقاتكم بكل خير

مع نسيم الصباح ومع اشراقة شمس دافئه واطلالة صباح من يوم جديد ومع زقزقة القطاوة احب اهني خادم الحرمين لشريفين واقوله صباح الخير طال عمرك<<< مع ان توه مابعد يطلع الصبح


اييييييه عاد انا صاحي ومافيني نوم وبحكم اني عاطل باطل قلت ياولد خلني اروح اكذب عليهم شوي

دايم اذا جا يوم الاربعاء والخميس ازعج اخويائي اقولهم يالله وين الوعد ؟؟ كل واحد منهم يقولي مشغول بروح اقابل خويتي اصرف من مقابل وجهك واللي يقولي خويته عازمته على المريدين مع انه قلبي يقول انها عازمته على بوفيه جمب المريدين بس مو هنا المشكله ,,,, ان شاء الله عازمته على عزبة هنود المشكله انه انا انكسر خاطري يعني الي متى انا ماعندي حبيبة يعني انا غير عن الناس واحبس روحي في الحمام وكل اشوي اطالع في المراية واقعد اصيح
الييين ضاق صدري واوقف قدام المرايه قلت وش فيني يعني ؟؟ ليه البنات اذا شافوني ينحاشون ؟؟ صحيح انه كرشتي طالعه وعندي زوايد بس جسمي كلاسيكي,,,, صحيح ان الشعر تقل اباط هندي من سنه ماحلق...بس اذا حطيت عليه جلي يصير حركه <<<<جلي = جل بعذره ماعمره شاف خير,,,,, وانزل تحت واشغل التلفزيون وامسك الرموت واقعد افرفر من قناة الي محطة الي اخبار الي مدري وشو الين جيت عند دعاية شامبو ,,,,,سمعتهم يقولون ان الشعر هو سر الجمال عاد انا ذهين قلت مابدهااااش يا اسمك ايييه روح حلق شعرك على الصفر
<<<ابوووك من غبي,,,, واقوم اركض وماخليت شامبو ماحطيته برت بلاس مع اسمه كنه دعاية اسمنت السعوديه والثاني هيربال ,,,, على طاري هيربال تدرون وش معنى هيربال ؟؟؟ اكيد لا طيب خلوني اقول لكم



يقولك كان في امريكا عالم اخصائي مكانيكة شعر,,,,يقاله ادحيم كان مغبش هذا حلم عمره انه يصنع شامبو زي الأوادم لشعر ويخلي الشعر يصير ناعم وكل يوم يجيب بيض وصمغ وخيار وحليب انياق ويخلطهم مع بعض الين يصيرون شامبو ويجرب الشامبو هذا على الكلب حقه,,, وكل ابو دايم ماتضبط الخلطه الين طاح شعر الكلب وجاك مره ويصنع خلطه يحبها قلبك وقبل لا يجربها وهو غافل جاك الكلب حقه وهو حشرااااان ويهدها على الخلطه عاد يوم قام هذاادحيم الله يرحمه جرب الخلطه على شعره وصار شعره ناعم وتحقق حلمه,,,, بس في ريحة مو طبيعيه ........ اليييين اكتشف ان الكلب هذا ضاقت عليه الوسيعه الا يفك زنقته على الخلطه ومغبش من الفرحه سما الشامبو هير بال ... وتعني باللغه العربيه الفصحى ...هير = هنا ... بال = فك زنقته ...
<<<<والله من المصاله اللي فيك اقول كمل بلا لحوج


نرجع لمحور حديثنا ... الوكاااد اني ماخليت شامبو ماجربته ومهناااااش مافي نتيجه صار شعري تشوفه من بعيد تقل طرف زوليه,,,, اليين الله يسلمكم طحت لي في واحد نصحني نصيحه مابعدها نصيحه قالي في دكتور مصري اخصائي ميكانيكة شعر رح له يمكن يشوف لك دوا ينفعك انت وشعرك,,, والله تبون الجد انا ماكذبت خبر واطق السياره سلف واروح وانا اركض,,, يوووم دخلت عنده وانط علييه واحب صلعتتته ,, قالي اييه في ايه؟؟ قلت تكفى نخيتك يالذيب <<<<مصري وش يفهمه بهالسوالف يامدلخ,,,, قالي عاوز حاقه؟ قلت له يقولون انك ميكانيكي شعر وانا ابي اصلح شعري الله لا يهينك.... اخذ برهه وهو يفكر قالي استرح على ذاك الكرسي دنا حخلي البنات يركضون وراك من شارع الي شارع ....وانا يا والله ماكذبت خبر من يوم عرفت الدنيا ماعمري شفت بنت على الطبيعه ... والله واجلس على الكرسي ويجيبلك من ذا الخلطات شي كنه دريم ويب وشي كنه عسل وشي كنه يتفل على شعري المهم كل هذا وانا مغمض عيوني بعد 8 ساعات من الشغل والنفاذ قالي دحروج ابسط ياعمممممم قلت له ها بشررر ولد ولا بنت ؟؟ <<<< نعن ابوك حامل ؟؟
قالي افتح عيووونك ... والله وافتح عيوني واناظر في المرايه ....







قلت له من هو ذا ؟؟ قالي انت بعد التعديل ... بالله يادحروج من جدك ؟؟ قالي ااااه امل ايه؟؟؟ شعري صار نااااااااااااااااااااااااااااااااااااااااعم الف يمين يجي شعري يمين ... الف يسار يجي شعري يسار والله واسلم على دحرووج واحب خشمه واعطيه ذيك الفلوس اللي ذارفها من الشايب الله لا يهينه.... واخذ خويي ومن عند دحروج الي مجمع الراشد على طوووووووووول مرقم مرقم مافي اذني ماء ,,,,,والله وندخل الراشد ونتمشى وانا احس الناس يطالعووووني ... طناااااااش منقهرين من شعري واتمشى واتميلح عند البنات والناس يطالعون احسهم يقولون وش هالشعر الزين وش هالجمال وانا مهنااااااش ولا كنك تسمع وانا امشي في الزحمه ضيعت خويي
ياولد وين راح ذا الكمخه مايدل شي في الخبر اول مره يجي وربي لخليه يرجع جده كعابي عشان يتعلم وشلون يروح ويخليني بين هالوحوش منقهرين من شعري <<<<اقول كمممل بلا خكرنه.... وانا امشي ادور عليه التفت وراي الا اشوف اربع بنات يلحقوني انا قلت ياولد ولا كنك تشوف شي خلك ثققققل
وامشي ... وامشي .. وهم ورااي اروح يمين يروحون وراي امشي بسرعه يمشون بسرعه اررركض يركضووون وراي وانا اركض دااااعس واهم وراااااي اليييين توزعو ثنتين من اليمين وثنتين من اليسار ويحجرون لي في زاويه ويمسكووووني في مكان مافيه ولا ادمي وتمسكني وحده منهم دببببه كنه خياطه ماتدخل مع الباب ..... وينادوووون لي الهيييئه وانا اقول تكفييين يا بنت الاجواد كل شي الا الهيئه استري علي الله يستر عليييك واقعد اصيييح عندهم اليين قالو شوووف نبي نترك بس بشرط ... قلت وشو الشرط






تتوقعون وشهو الشرط ؟؟





















































قالت ابي صورتك اربعه في سته ....







هذا من كثر ماكان شعري ناااااعم وبعد تلك الليلة المظلمة البائسه رجعت بيتنا وانا دايخ واخمدها نووومع ويوم صحيت اليوم لقيت شعري رجع زي اول واقعد اصيح في نفس المكان اللي قلته لكم فوووق وانا افتح الجيرده الا القا دحروج مسكوه طلع نصااااب لا اخصائي شعر ولا شي راعي غنم هو بس نصب عليناااا وطبعاً انا مثلي مثل غيري من بعض السعوديين والسعودييات اللي يكبون فلوسهم على ذا الاجانب وهم مغمضين ولا يدرون وش قصتهم هم صدق اخصائيين ولا نصابين وطبعاً اغلبهم نصابين يعني نصيحه مني اذا فلوسكم واجد ترا في سعوديين مو لاقيين ياكلون يعني اعيال بلدكم اولى فيهم
قااااااااااااااااااااااااااااااااااااااااااااااااا ااق
انتهى
تقبلوو تحيااتي وقبلاتي
اخوكم
سمووو الامير ---- الخيال