|
|
|
 |
 |
 |
 |
|
 |
|
||
| العضو المميز | الموضوع المميز | المشرف المميز |
وردة سورية |
ـآ‘لـ ً‘ـرٍآبـً‘ ـح |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى القصص والروايات يختص بالقصص الادبيه والمعاصره ذات الاهداف والقيم الساميه |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
02-15-2008, 07:58 PM
|
رقم المشاركة : 9 | |||||||||||||
|
الجزء الثالث >>جيتك من اقصاي صوت الحب داعيني...وشفتك على كف حلم الوقت مرسومة..امانتك لاوصلت حماك راعيني..ودقات قلبي تبين عن علومة<< يوم الخميس الصبح قامت ريم من النوم على الساعة 9 راحت توضت وصلت لانها ماقامت لصلاة الصبح من التعب بعدها اخذت لها شاور على السريع وهي تمشط بشعرها الطويل وتنشف فية تذكرت نواف امس >نواف::بس قبل لااطلع بقولك شئ شعرك ياويلك تقصينة< ريم وبنبرة استهزاء::ياويلك تقصينة وش دخلة المغرور وليه مايخلي جيني حبيبتة تطول شعرها بس من جد حليان هنا تذكرت اللي شافتة صبح ذاك اليوم عند الاشارة يوووه ياخبالي اثاري اللي شفتة ذاك اليوم هو نواف ياغبيي وانا اقول شكلة مو غريب علي بس انا ماقاهرني الا الدفتر كان ودي اقراه كلة غير القى لي فرصة ادخل غرفتة مرة ثانية ب ياخوفي تكون مقفلة وبنفس الوقت في بيت ابو نواف بالتحديد في غرفة نوافقام وقعد يتقلب على السرير طاحت يدة على الكومدينة اللي جنب راسة تحسس فيها شئ سحبة وجلس يناظرة ::شال شال مين هذا ووش جابة لغرفتي وهنا تذكر انة شال ريم اية صح نسيت انا اخذتة حق هالمغرورة بس ليه اخذتة والله مدري قربة من وجهه وشم ريحة العطر هذي ريحة عطرها ماتغيرة >ريم تحب عطر جيفنشي ومستحيل تغيرة من يوم كانو صغار < بس والله هالمغرورة تغيرت حيل واحلوت بس للحين على غرورها بس شعرها ااااه على شعرها انا اصلا مايعجبني فيها الا شعرها وراح نواف خذا دفتر اشعارة وبدا يكتب فية لي صاحبن سلب عقلي وفكري..وراح وتركني بدون شعور خذاني بعيد هناك وماردني..تعبت انا بسبة صاحبي المغرور لك الله يازمان فية ولعني...وخلاني في يدة خاتم يدورة دور وهو منشغل يكتب نواف الا يسمع طق على الباب نواف::من سارة::نواف انا يالله افتحلي بقولك شئ نواف ::طيب يقوم نواف ويحط دفترة بمكانة ويروح يخبي الشال في درجمكتبة الخاص ويقفل علية ويفتح الباب ويرجع يسدح نفسة على السرير سارة::لا تكفى لاتنام نواف::مونايم بس بريح جسمي لاني تعبت امس سارة::اشوا سلامتك يالغالي نواف::الله يسلمك سارة وهي تفرك اصابعها::نوفي حبيبي انت اخوي الغالي نواف::سارة بسرعة بلا هالدباجة المعتادة وش تبين سارة::فديت اللي فاهمني انا تكفى طلبتك والا قيلت تكفى تهز الرجاجيل نواف::عطيتك يالغالية سارة::ابيك تودينا انا والريامي للمشغل نواف::خلو السواق يوديكم سارة::لا تكفى ابيك انت تودينا مالنا خلق كريم يطفش اللي مايتطفش نواف::طيب انتي اية ريم لا سارة::نواف تكفى اصلا الروحة علشانها نواف::انا ماركب المغرورين معي بعدين تعالي بتروحون علشان تقص شعرها لا مافي سارة::لا والله بنروح نصبغ بس وبعدين عندنا شغل بنفصل فساتين تعرف العطلة قربت تكفى انا سوير طلبتك تكسفني كذا وتمد بوزها انها زعلانة نواف::خلاص فديت هالبوز بوديكم بس ياويلكم تتاخرون علي وعلمي صديقتك ذي سارة تروح تحب راس اخوها ::فديت اللي مايبون يزعلوني وعلى هالخشم نواف::ترا الساعة 3 اوديكم لان عندي شغل يعني طالع طالع سارة::طيب خلني اروح ابشرها وتطلع من عندة وتروح تتصل على ريم سارة::الو الريامي جهزي عمرك العصر نروح للمشغل ريم::والله اخيرا اقتنعتي بس مع من بنروح وكريم عندة شغل مع ابوي سارة::لا مانبي كريم مااحب اركب معة يرفع ظغطي بنروح مع نواف ريم::لا مورايحة معة ساره::تكفين علشاني بالموت لحد مااقتنع ريم::ليه كان رافض اني معك سارة::لا بس يقول عندة شغل وانا اقنعتة انا مابنتاخر ريم::بساول شئ قولي لامي انا بنروح معة سارة::انا بتصل فيها الحين واقولها قفلت ريم عن سارة الا يرن جوالها مرة ثانية ريم::اكيد سارة نسيت شئ تناظر الشاشة واستغربت من المتصل ريم غريبة امل متصلة علي في هالوقت خلني اشوف وش عندها::هلا وغلا بالقاطعين امل وصوتها مبحوح من البكي::هلا فيك يعني لو مااسال ماتسئلين(خلني اعرفكم فيها هذي امل تصير بنت خال ريم محمد وهي تحب حمد وحمد يحبها من يوم هم صغار ماحد يعرف انهم يحبون بعض الا ريم وام امل موزة اللي متفهمة هالوضع وهي اصلا تتمنى حمد لبنتها من يوم هم صغار تدري امل الحين سنة رابع ادب انجليزي اخر سنة بس هم في الدمام وهي اصغر من حمد بشهر) ريم::اسفة وربي بس تدرين مشغولة بالدراسة بس امل وش فية صوتك امل::ااااااااااه ياريم شقولك بضيع من يد حمد اذا ماتحرك بسرعة وتبكي امل تكفين قوليلة يجي بسرعة ريم وبخوف::خير ياامل وش صاير فهميني السالفة امل ::بدت تقول السالفة لريم هذا انا قبل يومين كان في عشاء في بيت صديق ابوي عبدالله ابو احمد امي اصرت انها تاخذني معها ورحت طبعن يوم رحت شكلي دخلت مزاج ام احمد وهي من زمان ماشافتني وتقولي تغيرتي وكبرتي وصرتي عروس ومن هالكلام انا طنشت الموضوع وماهمتني نظراتها لي طول الوقت وبعدها بيوم كلمت امي تبي تخطبني لولدها احمد وطبعن امي تعرف اني ماابي غير حمد لكن يوم درا ابوي ان ولد صديقة بيخطبني ماعارض الموضوع ابدا تكفين قوليلي شسوي
|
|||||||||||||
|
|
02-15-2008, 08:03 PM
|
رقم المشاركة : 10 | |||||||||||
|
ريم::بس خالي محمد مستحيل يغصبكم امل::أي مستحيل اذا انة بس سيرة هالااحمد على لسانة وكل كلمة والثانية يقول انا بصراحة من زمان ابية لك ياامل ريم هنا تاثرت لحال امل وكل تفكيرها عند حمد اخوها اللي لو درا بالموضوع وش بيصير فية لانها تدري ان امل تعني لحمد الكثير::طيب امل هم متى بيجون يخطبونك امل::وش دخل ذا بالسالفة بيجون الخميس الجاي ريم::حلو كثير امل::وش اللي حلو اقولك بيجون يخطبوني الخميس تكفين كلمي عمتي تقنع ابوي تكفين انا خلاص بضيع ريم::انتي هدي بالك وادعي ربك ومابيصير الا الخير قفلت ريم السماعة ومسكت الجوال بتتصل في حمد لان مابيحل الموضوع غيرة وتبي تتصل بس مترددة اتصل ماتصل اتصل مااتصل اخر شئ قررت تتصل لانه بيضيع اخوها لو مادرى ريم::الووو حمد::حي الله هالصوت زين اللي سمعناة وينك من زمان ماتصلتي علي ولاكلمتيني يعني لهاادرحة رخيص عندك ريم::لا والله ياحمد بس تدري مشغولة بثالث هاليومين بس اسمعني الحين مو وقت عتاب اسمع اللي بقولة وتكفى لاتعصب وخذ الموضوع بهدووء لان مابيحلة غيرك حمد::خير ريم ابوي صاير فية شئ والا امي اوحدا اخواني تكفين لاتلعبين باعصابي ريم::لا اهلي نافيهم الا كل الخير بس امل حمد:: وش فيها امل ريم::السالفة ومافيها ان امل اتصلت علي قبل شوي وقالت لحمد كل السالفة حمد وبصرخة::لاااااااااااااااااا مستحيل امل تروح مني هذي حبي الوحيد ودنيتي تروح مني بهالسهولة ريم::حمد اسمعني انا ترددت اخبرك بس بصراحة مابيحل الموضوع غيرك انت لازم تتحرك وبعدين في وقت هم بيجون الخميس الجاي يخطبون باقي اسبوع حمد::حلو عندي اوف هالاسبوع انا جاي بس لاتعلمين احد ريم::طيب وش بتسوي حمد::لاجيت بتعرفين يالله فمان الله بروح احجز على اول طيارة ريم::فمان الكريم ياخوي سكرت ريم السماعة عن حمد وهي تفكر فية وبحاله ووش بيصير علية لانها تدري وش كثر متعلقين ببعض امل وحمد لانها كانت مرسال الغرام بينهم وهي سرحانة تفكر بحل لاخوها الا مريم تدخل عليها مريم::يقول باباتي تعالي افطري معنا ريم::بسم الله الرحمن الرحيم من وين طلعتي مريم::من الفانوس السحري ريم::اول شئ الناس قبل مايدخاون غرفة حد يطقون الباب وثانيا يسلمون وانتي ماشاءالله عليك لااحم ولادستور داخلة مريم::والله انا حرة نفسي كيفي المهم انزلي افطري معنا ريم::انا هالبنت بتجلطني اقولها أ تقولي ب نزلت ريم ولقت الكل متجمع على السفرة ابو حمد::هلا والله بالغالية تعالي اجلسي جنبي افطري ريم::هلا فيك الا وين محمد مااشوفة مريم::اقول ريم فصلي نظارة شوفية قدامك كالعادة نايم على الطاولة ريم::ياحوول هذا كلش نايم عمرة ماصحى خيشة نوم هذا وشلون لو انة مو نايم امس من 10 انا اقولكم وشلون اصحية وتاخذ ريم كوب ما بارد وتكبة على راس محمد طبعن سوتلهم حركة ماحد يتكلم محمد قام مفزووع::منهو وشو مطر في عز الصيف البيت جابو هدف الدباب الكل::هههههههههههههههههههههههههههههههههههههه ريم::الحمدالله على نعمة العقل وش فية قاعد يخربط مريم::الظاهر يحلم وانتي عاد سويتي فية مقلب محترم محمد بعد ماستوعب الوضع جلس يلحق بريم وريم تركض حول الطاولة ومو قادر يمسكها::ريموووة انا كم مرة قايلك هالحركة لاتسوينها معي مرة ثانية اذيتني ابو حمد::بس ياعيال اجلسو افطرو فريتو راسي بهالدوارة حولنا محمد وريم تفشلو من ابوهم::طيب يبة وجلسو يفطرون بس ريم طول الوقت وهي مو معهم وماكلت شئ بس صبتلها حليب وسرحت في عالم ثاني تفكر في اخوها ابوحمد::شوفو ياعيال باول العطلة بنسافر مكة مثل ماوعدت اختكم ريم لكن بعدين وين تبون تروحون محمد::نبي نروح فرنسا يبة ريم::لا وع فرنسا ابي انا باريس الكل::هههههههههههههههههههه محمد::صراحة اول مرة اكتشف ان عندي اخت غبية يالمهبولة مو فرنسا هي باريس هنا مريم قعدت تفشلت وقعدت تصيح مريم::وانا وش يعرفني توني صغيرة وااااااااااااااااا ابوحمد::خلاص ياباباتي ماصار شئ مريم ولسا تصيح::ماتشوف ولدك وش يقولي يقولي غبية انا مرايم دلوعتك ابو حمد::لا انتي اذكى وحدة في هالبيت وبعدين ان ماسكتي ترا مافي روحىة للاستراحة اليوم مريم::لا خلاص بسكت انا انتظر الخميس علشان اروح للاستراحة لاحظت ام حمد شرود ريم وعدم تعليقها على شئ والا بالعادة ريم لازم تعلق على مريم اذ ا صاحت ام حمد::ريم يمة وش فيك ماتاكلين ريم::امممممممم ام حمد::ريم ريم وين وصلتي ريم::هلا يمة وش فية لا كلة تمام بس خلية يجي ام حمد::انتي اللي وش فيك من اول القعدة منتي معنا ومنهو اللي بيجي محمد::ياحوول هذا كل العايلة اغبياء الظاهر ماحد عاقل غيري مريم::بليزماي براذر عطنا شوية عقل من عندك اشوفة زايد ماتلاحظ انة صار ينقط من الزيادة اللي عندك محمد ويسوي حركة حرة بيدة::حرررة موتي تتمنين ربعة اصلا ابوحمد::انتو وش فيكم اسكتو شوي ريم من اللي بيجي وبعدين صادقة امك وش فيك من الصبح مانتي بمعنا ريم هنا تورطت ماتدري وش تقوول ::لايبة وانتي يمة مافي شئ بس كنت افكر بالامتحانات وتعرفون قربت علشان كذا اقول لما تجي بشد حيلي فيها ابو حمد::اها طيب ربي يوفقك يابنيتي ريم::طيب انا طالعة غرفتي برتاح توصون شئ ابوحمد وام حمد::سلامتك ريم::ايوة صح يمة يبة اليوم كلمتني سارة بنروح انا وياها المشغل ابو حمد:: ومن بيوديكم اليوم كريم ابية ريم::تقول نواف بيودينا ابو حمد::طيب يابنيتي لاصار مع نواف معليش ريم::طيب يبة انا طالعة ام حمد::ومتى بتروحون ريم::العصر الساعة 3 ام حمد::طيب لاتتاخرون احنا في العصر بنروح الاستراحة تعالي معاهم هناك ريم::ان شاءالله يمة تطلع ريم لغرفتها وعلشان متفكر وش بيصير باخوها قررت تفتح الانترنت علشان تنسى شوي وتلقى نورة فية >&*دموع الليل*&< هلا والله بريم وينك وحشتيني @شووق العيوون@ هلا فيك وانتي اكثر بس والله امس انشغلت >&*دموع الليل*&< طيب اخبارك انتي @شووق العيوون@ انا الحمدالله بخير يوم شفتك >&*دموع الليل*&< دوووم يارب تكونين بخير @شووق العيوون@ يدوم عزك @شووق العيوون@ نورة >&*دموع الليل*&< لبية @شووق العيوون@ لبيتي في بيت الله >&*دموع الليل*&< وياك يارب @شووق العيوون@ انا بطلع الحين توصين شئ لان راسي مصدع >&*دموع الليل*&< لا سلامتك ديري بالك على حالك بس كان ودي اسولف معك @شووق العيوون@ اذا فية شئ ضروري انا حاظرة >&*دموع الليل*&< لا مرة ثانية روحي ارتاحي @شووق العيوون@ لا موطالعة الا لما تقولين مو انا اختك سولفي >&*دموع الليل*&< صراحة في ناس امس جو يخطبوني وانا مابي اتزوج الحين بس امي موافقة @شووق العيوون@ طيب وابوك >&*دموع الليل*&< ابوي مايحب يغصبنا على شئ @شووق العيوون@ طيب انحلت المشكلة قولي انك تبين تكملين دراستك >&*دموع الليل*&< بس انا ماودي ازعل امي وبصراحة اللي خطبني كلن يمدحة اخلاق وماشاءالله علية @شووق العيوون@ صراحة انا مافهمتك كيف يعني انتي تبين تتزوجين او لا >&*دموع الليل*&< شوفي انا لو مو واثقة فيك كان ماقلتلك صراحة انا احب واحد تعرفت علية بالنت وهو وعدني بالزواج @شووق العيوون@ نعم اسمحيلي نورة طحتي من عيني الحين ترفضين اللي متقدم لك علشان واحد لاتعرفينة ولايعرفك ويمكن يكون يلعبك >&*دموع الليل*&< لا هو صادق @شووق العيوون@ وش الشئ الليماكد لك انة صادق مافي واحد يكلم بنت يرضى يتزوجها >&*دموع الليل*&< بس علاقتي انا فية بالانترنت بس ماوصلت للتلفون @شووق العيوون@ ياختي سهلة يجيب تلفونك وبعدين مو بيعرف اسمك >&*دموع الليل*&< لا للحين ماعرف اسمي الحقيقي @شووق العيوون@ انا ذي اللي بتجنني وشلون تحبينة ويحبك وبيتزوجك ومدري شنو >&*دموع الليل*&< صراحة انا قلت بختبرة @شووق العيوون@ تبين نصيحتي اقبلي باللي جاك وخليك من هذا والحب بيجي بعد الزواج وخاصة انك تقولين الرجال اللي تقدم لك سمعتة زينة وخليك من ذا لان اللي يكلمك مستحيل يتزوجك وهذا ذيب بشي بس همة يلعب
|
|||||||||||
|
|
|
02-15-2008, 08:11 PM
|
رقم المشاركة : 11 | |||||||||||
|
@شووق العيوون@ تبين نصيحتي اقبلي باللي جاك وخليك من هذا والحب بيجي بعد الزواج وخاصة انك تقولين الرجال اللي تقدم لك سمعتة زينة وخليك من ذا لان اللي يكلمك مستحيل يتزوجك وهذا ذيب بشي بس همة يلعب >&*دموع الليل*&< والله مدري @شووق العيوون@ اذا تبيني استمر معاك كاخت اقطعي علاقتك بهاذاك وبعدين شنو الللي ماتدرين فكري بعقلك انا ادري انك عاقلة واكيد سمعتي بقصص كثير من البنات >&*دموع الليل*&< خلاص بروح اقول لامي اني موافقة @شووق العيوون@ لا موبالحين استخيري اول وبعدين اذا ارتحتي وافقي >&*دموع الليل*&< اوكي يالغالية ومشكوورة كثيروربي كنت محتارة @شووق العيوون@ ولو ماسويت شئ وانا اعتبرك اختي وانا ماارضى على اختي بالغلط >&*دموع الليل*&< طيب ازعجتك انا روحي ارتاحي @شووق العيوون@ ولو لاتقولين هالكلام ترا بزعل فمان الله >&*دموع الليل*&< خلاص سكتنا فمان الكريم راحت ريم وانسدحت على فراشها وراسها ذبحها من كثر التفكير تذكرت ريم سارة انها ماردتلها خبر قالت ببتصل فيها وبتقولها تتصل ريم على تلفون البيت ريم::الووو سارة نواف::لا اختي مو سارة من يبيها ريم عرفت صوت نواف::بالله اخ نواف ناد سارة وبلا كثرة هذرة نواف:: واذا ماناديتها وش بيصير ريم::ياحوول منك وربي انك مروق اقول حبيب جيني عطني اختك نواف يبي يغايظ ريم اكثر::فديت هالاسم يازينة ريم وفي قلبها ويتفدى بعد عيني عينك طيب يانواف الكريه::اية ماصدقت على ربك يجي طاريها سارة من بعيد ::نواف من على التلفون نواف::هذي وحدة فاضية جالسة تغازل ويقفل السماعة بوجة ريم ريم هنا غيضت على الاخر منة ومن حركتة ريم::انا ريم يقفل السماعة بوجهي طيب ان مارديتها لك وتتصل مرة ثانية هالمرة ردت سارة ريم::ياللي ماتستحي على وجهك انا تقفلة بوجهي سارة::لحظة لحظة اختي من انتي ريم::سارة سارة::هلا ريم وش فيك تهاوشين ريم::ماتشوفين حضرة المحترم اخوك راعي امريكيا وش سوى سارة::خير وش سوى نواف بجنب سارة ناقع من الضحك لان صراخ ريم طالع من التلفون ريم::ماتشوفينة اكلمة بكل ادب واحترام نهايتها يقولك وحدة تغازل ويقفلة بوجهي سارة هنا انقهرت حتى هي من حركة نواف::خلاص امسحيها بوجهي ريم::خلاص كنت متصلة بقولك اني بروح لكن الحين لا سارة::لا تكفين ريم اخر مرة امسحيها بوجهي اكيد يمزح معك مو قصدة ريم::واللي سواه فيني تسمينة مزح تكفين سارة انا اللي فيني مكفيني مو ناقصني اخوك وسوالفة وجلست تصيح سارة::ريم حبيتي هدي شوي تكفين علشان خاطري صدت سارة على نواف::زين كذا البنت تصيح بسبتك هنا نواف لام نفسة على الحركة بس نواف من النوع اللي مايعتذر الا بالنادر مثل ريم صفاتهم حيل تتشابة نواف::خليها الدلوعة ماسوينا لها شئ تصيح والله انها بزر سارة::ريم لازم تطلعين معي اليوم ريم ولسا تبكي:: موطالعة مع هالكرية سارة::ريم علشان خاطري لازم اشوفك واعرف وش فيك صراحة مو طبيعية ريم::خلاص بطلع بس قولي لااخوك يبعد عني ولا يكلمني لان مالي خلق اسمع صوتة سارة::على هالخشم تقفل سارة من ريم وتصد على نواف ::انت شغلك معي بعدين الساعة 3 العصر يدق نواف عند الباب هرن وتنزل ريم بسرعة ريم::يمة انا طالعة ام حمد::ديري بالك على حالك بس لاتنسين تعالو للاستراحة على طول ريم::طيب يمة وتطلع ريم وتركب السيارة ريم::السلام عليكم سارة نواف::وعليكم السلام ورحمة الله وبركاتة نواف::أي مشغل بتروحون لة سارة::نواف ممكن تودينا مطعم هادي نواف وبعصبية::انتي الحين مو قلتي تبين المشغل وش خلاك تغيرين رايك سارة وتقرب من نواف::هد بالك شوي شوي نواف تكفى طلبتك ريم مو على طبيعتها ابي مكان اقعد اشوف وش فيها نواف::طيب امرنا لله بس اسمعي ساعة وبس سارة::الحين انت ودنا بصراحةانا خايفة على ريم طبعن ريم ولا سمعت ولا شئ من كلامهم لانها بعالم ثاني موعندهم مرجعة نفسها على المرتبة وتناظر العالم مع الشباك وتفكر بمصير اخوها نواف::ريم ريم ريم تنتبة ::نعم خير وش تبي نواف ::صارلنا ساعة نناديك وين تبين تروحين أي كافي ريم::ليه مابنروح المشغل نواف::لا انا عازمكم وش رايك بستار بوكس ريم وبلا مبالاه::عادي أي شئ نواف::سارة وش فيها ريم موطبيعية بالعادة ترادد سارة::انا ماقلتلك فيها شئ وبعدين انت ناسي اللي سويتة فيها نواف يبي يطنش الموضوع مايبي يتناقش فية فعلشان كذا جلس يغني والاخ معروووف بحلاوة صوته فغنى لعبادي الجوهر يبان الشوق في عين المعذب ويبقى الدمع تذكار الاحبة انا اتعب انا بالحيل اتعب واذا قالو تحبة قلت احبة ريم سرحت في عالم ثاني مع الاغنية ومع صوت نواف وصلو لستار بوكسونزلومن السيارة سارة ونواف نواف::وش فيها ماتنزل سارة ::والله مدري خلني اشوفها وتفتح سارة الباب من جه الشئ للي خلا ريم تنتبة ريم::وين حنا سارة::لاه البنت مو طبيعية احنا في ستار بوكس امشي انزلي اتفاهم معك جوا ريم::طيب وتنزل ريم ويدخلون وتطلب سارة من نواف انة يجلس بطاولة لحالة علشان تاخذ راحتها مع ريم سارة::ريم حبيبتي وش فيك مو طبيعية انتي اليوم ريم::ااااااه ياسارة وش اقولك امل بتضيع من يد حمد ومو قادرين نسوي شئ وبصراحة انا خايفة كثير على حمد سارة::لية وش صاير ووشلون بتضيع ريم::هذا جا واحد بيخطب امل وخالي محمد موافق لانة ولد صديقة والرجال ماينعاب بشئ سارة::طيب حمد قلتيلة ريم::اية قلتلة وربي يستر من اللي بيصير حمد مستحيل يسككت لانة راح وتغرب علشان يجيب شهادة ويروح يطلبها من خالي سارة::ربي يعينة صراحة انا محتارة مدري شقول وانا عارفة تعلقهم ببعض كبير
|
|||||||||||
|
|
|
02-15-2008, 08:17 PM
|
رقم المشاركة : 12 | |||||||||||
|
سارة::ربي يعينة صراحة انا محتارة مدري شقول وانا عارفة تعلقهم ببعض كبير ريم::انا خايفة كثير ياسارة ياخوفي حمد يعمل شئ يندم علية طول عمرة وتبكي سارة::يابنت الحلال هدي مابيصير الا الخير ان شاءالله ريم::ان شاءالله خير ريم::صح ياسارة ترا بنروح للاستراحة على طول سارة::اير لان عمي نايف عازمنا هناك علشان نواف ريم::خليني اغير جوشوي لان لو جلست بالبيت بتعب من التفكير سارة::أي والله بس بشرط نبي نسبح اوكي ريم::لا مستحيل سارة بتسبح بسوي حفلة انا وبكذا هدت ريم شوي لانها فضفضت باللي بقلبها لرفيقة طفولتها سارة وراحو للاستراحة وفي قسم الحريم سارة وريمومريم لبسو لبس السباحة حقهم طبعن سارة تخاف من الماء وماتعرف تسبح زين بس مسوية فيها شجاعة وقالت بتسبح سارة واقفة عند المسبح تبي تنزل ومترددة شوي وريم في المسبح ريم::سارة يالله انزلي ماصارت سارة::طيب بنزل وتحط رجلها في المي وتسحبها بسرعة اح بارد ريم::سارونتي يالله وبعدين انزلي وبيدفا شوي مريم تجي من ورا سارة وتسوي لها ريم حركة انها تدفها وطبعن مريم ماتقصر تحب هالحركات وتدف سارة للمسبح سارة:::اااااااااااااااه ريم ومريم::هههههههههههههههههههههههههههههههههههههه ريم::احسن تستاهلين سارة::طيب اوريك يالدبة وتروح تمشي لريم وريم على طول تبح وتروح للعميق طبعن سارة حدها المكان المرتفع بالمسبح ماتحب العميق ريم::تعالي اذا فيك خير سارة::هربتي طيب مردودة لك بس اصبري علي ريم:::ههههههههههههههههههههههههههههه سارة يوم شافت ريم تضحك ارتاحت شوي خلص الخميس ورجع الكل لبيتة يوم الجمعة الصبح قام الكل في بيت ابو حمد ابو حمد::محمد محمد يالله يابابا قوم الحين ياذن للصلاة محمد::امممممممممممم ابوحمد::اقولك قوم يالله محمد::بس خمس دقايق ابو حمد عصب::قوووم بسرعة نقز محمد من السرير جا يخبط بالسقف <<قوية ابو حمد::ناس مايجون الا بالعين الحمرا ويفوم محمد ويروح هو وابوة لصلاة الجمعة وهم راجعين شافو ابو نواف ونواف راجعين من الصلاة ويسلمون على بعض نواف::هاه محمد باي صف انت الحين محمد::بسادس نواف::اجل وراك مشوااار محمد::اصلا انا مابكمل دراستي بلعب كورة واصير لاعب مشهور مثل رونالدو نواف::والله طموح بس لازم تدرس مع اللعب محمد::يارجال مايحتاج نواف::ايش اللي مايحتاج الرجال لازم معة شهادة محمد::اية هين ماجابها غير انا نواف::هههههههه والله انك شئ يامحمد ويدخل كل واحد لبيتة على الغدا في بيت ابوحمد ريم::يمة جيبي المكرونة عندي تدرين اني احبها ام حمد::امسكي مريم::لا انا ابي مكرووونة ريم::مافي شوفي اكلتي صحنين وانا ياحسرتي نص صحن بس مريم::مالك دخل انتي ووبين ماهم يتهاوشون انفتح باب الصالة الكل التفت لة حمد::ممكن ادخل والا ممنوع على وقت الغداء ريم::حـــــــــــــــــمـــــــــــــــد وتقوم بسرعة اللي خلا الكرسي يطيح وتروح لحمد وتصمة من قلب ريم::فديتك ياخوي ليه ضعفان والله اشتقتلك حمد::حتى انا اكثر بس يالله بعدي عني مليتيني خليني اسلم على امي حلوة اللبن ويروح حمد يسلم على امة وابوة ويجونة مريم ومحمد يسلمون علية حمد::والله اني جيعان ومشتاق حيل لطبخ يديك يمة ام حمد::تشتاقلك العافية كل ياوليدي شكلك هناك ماتاكل ابد ويجلس ياكل حمد وبعد الغدا الكل جالس بالصاله حول التلفزيون وطبعن ريم جالسة بجنب اخوها لاصقة فية ام حمد::فكي الولد ياريم خلية يرتاح بجلستة ريم::يمة خليني عندة مشتاقتلة حيل حمد::خليها يمة مرتاح انا ابو حمد::حمد وش جابك ماعندك دراسة حمد::لا يبة عندي اوف هالاسبوع وبصراحة اشتقتلكم وقررت اجي لكم واسويها مفاجاءة حمد::يبة ابيك بسالفة ابو حمد::امش للمكتب وقلي وراحو حمد وابوة للمكتب ريم في قلبها الله يستر اكيد بيكلم ابوي ام حممد::غريبة وش يبي فية وفي المكتب حمد::يبة انا قررت اتزوج وابيكتخطبلي البنت الحين قبل ماتطير من يدي ابو حمد::وش فيك مستعجل مابقى على تخرجك غير شهرين حمد::يبة تكفى البنت بتضيع مني ابوحمد:: ومن ذي اللي بتضيع منك حمد::يبة انا ابي امل بنت خالي محمد ابو حمد::طيب عاددي وش فيها البنت ماهي طايرة \حمد::لا يبة البنت جو ناس خطبوها وخالي بيخليها توافق غصب وبصراحة انا احب البنت وابيها ابو حمد::خلاص مادامه انخطبت مانقدر نسوي شئ حمد::يبة تكفى ابوحمد عصب::وش تكفى البنت خلاص راحت ولاهي اول بنت ولا اخر بنت حمد::بس يبة انا مابي الا امل سمعو ريم وامها صراخ حمد وابوه وقررو يروحون يشوفون ويفتحون الباب عليهم ابوحمد::تعالي يانورة اسمعي ولدك العزيز وش بيسوي بيروح يخطب امل بنت محمد ام حمد::طيب وش فيها البنت مابها شئ ريم::بس يمة امل انخطبت قبل يومين ام حمد::وانا اخر من يعلم ريم::يمة هم لسا ماخطبوهارسمي بس طلبو يدها والخميس الخطبة وهي ماتبي بس خالي بيغصبها وهي قالتلي اكلمك علشان تقنعينة وبعدين حمد يحبها ويبيها تكفون ام حمد عصبت وضربت ريم طراق وهي اول مرة تمد يدها عليها:::اوانتي وش دخلك بالموضوع وليه توك تتكلمين ريم انصدمت من ضربة امها لها وجلست تبكي وتراقب وش بيصير حمد::اقول بتروحون تخطبونها لي والا ترا بروح اليوم للشرقية واللي يصير يصير ابوحمد::انت تبي تذبحني وتفشلني قدام خالك تبية يقول ماقدر يربية حمد::لا يبة ماحد يقدر يقول هالكلام بس يبة تكفى ابو حمد::انا مو رايح واذا تبي تروح رح بس ان طردك خالكمالي فيك دخل ويطلع ابو حمد من البيت حمد::وانتي يمة بتروحين معي عند اخوك والا بتتخلين عني ام حمد::بس لوقلتلي بدري قبل ماتنخطب كان قدرت اتصرف لكن الحين مااقدر حمد::يمة تكفين والله يمدي ام حمد::طيب امري لله بكرة الصبح نروح للشرقية ريم::وانا بعد بروح
|
|||||||||||
|
|
|
02-15-2008, 08:19 PM
|
رقم المشاركة : 13 | |||||||||||
|
ريم::وانا بعد بروح ام حمد::لا انتي اجلسي عند اخوانك وابوك وعدى اليوم بخير يوم السبت الصبح الكل تجهزوراح للمدارس حمد::يالله يمة جاهزة ام حمد:: اية جاهزة حمد:: اجل مشينا وصلو حمد وامة للشرقية الساعة 1الظهر محمد::حي الله من جانا هلا باختي ام حمد::الله يحييك ياخوي حمد::هلا خالي شخبارك محمد::هلا فيك حمدوينك من زمان ماشفتك والا عاجباتك هالشقران اللي هناك حمد::لا يخسن بس والله مشغول بالدراسة تدري هذي اخر سنة لي واتخرج محمد::الله يوفقك ويجلسون ام حمد وحمد ومحمد ومعاهمولدة خالد في المجلس ومعهم ام خالد طبعن ام خالد تتحجب عن حمد بس لانها مربيتة من هو صغير ومعتبرتةولدها وتتمناه لبنتها (محمد ماعندة غير امل وخالد وخالد هذا اصغر من امل كبر ريم ومحمد هو اخو ام حمد الوحيد) امل من يوم سمعت ان حمدجا جت تتنصت عليهم من عند باب المجلس الداخلي بحيث ان ماحدينتبة لها ام حمد::والله ياخوي مدري شقولك المفروض ابو حمد هو اللي يجي بس قالي انتي روحي احسن بصراحة انا جاية ابي امل لحمد محمد::والله يشرفني بس امل انخطبت من يومين ام حمد::وانا زعلانة منك يامحمد الحين بنتك يجونها عرسان ومادري غير من برا محمد::والله جت بسرعة وكنت بقولك حمد::يمة مو وقتة قولي ان احنا اولة باامل ام حمد::طيب اصبر بس يامحمد انا اتمنى امل لحمد من صغرهموحمد اولى من الغريب محمد::بس انااعطيت الرجال كلمةو ماراح اردكلمتي مع الرجال ام حمد::بس انت سالت البنت والا مشيت الموضوع على كيفك كالعادة ماتقولبن شئ يام خالد ام خالد::صراحة احنا كلمناة مارضى والبنت مو موافقة بس اخوك الله يهدية محمد::انتي اسكتي وامل مالها شور وماراح تاخذ الا احمد هنا حمدماتحمل وراح عندخالةوجلس على الارض عند رجولة حمد::خالي تكفى انا احب امل وابيها تكفى ياخالي محمد عصب::وانت ماتستحي تقول هالكلام لي حمد يبكي لاول مرة::خالي تكفى احب رجولك اصير عبد عندك بس امل ماتروح مني انا احبها من صغري وهي تحبني محمد يفر حمد برجلة::وخر هناك وش هالكلام نورة ماتشوفين ولدك ام حمد::وهو صادق بعدين البنت رافضة انت ليه تبي تغصبها على شئ ماتبية حمد ::ياخالي ليه تبي تحرمني من حب حياتي طلبتك ياخالي محمد::اطلع برا ولاني خالك ولا اعرفك ويروح حمد عند رجول خالة مرة ثانية ويجلس يحبب فيهم::خالي ارحمني انا ابي امل وهي تبيني ليه مو راضي تفهم وبعدين حرام تغصب البنت على شئ ماتبية خالي انا تغربت ورحت ودرست كلة لعيون امل انا قطعت على نفسي عهد اني اروح ادرس ومالعب علشان اتخرج بسرعة واجيب الشهادة واجي اخطبها حرام كل هذا يضيع محمد يفرة برجلة مرة ثانية::قلتلك اطلع من بيتي ولا عاد اشوفك طبعن امل تسمع هالكلام وتصيح حمد يقوم يبييطلع وهو معصب ودموعة في عينة::انا بطلع ياخالي لكن امل مابتاخذ غيري امل لي انا لو ان شاءالله ارتكب جريمة بس امل ماتروحمن يدي محمد::حامض على بوزك ام حمد راحت بتلحق ولدها لكن مسكها محمد::خلني انت مو طردت ولدي وشلون تبيني اجلس محمد::لكن انتي ماسمعتي اللي قالة ام حمد::الولد ماقال شئ غلط قالك يبي البنت على سنة الله ورسولة وهم بعز النقاش سمعو صوت حادث ام حمد::يمة ولدي حمد طلع خالد بسرعة يشوف اللي صاير لقى حمد مسوي حادث في نهاية الشارع وصادمة السيارة في جدار الحديقة خالد:: يبة الحق حمد سوىحادث امل ::لاااااااااااااااااااا حــــــــــــــمــــد ام حمد:: ان صار لولدي شئ يامحمدمابسامحك ليوم الدين نقلوحمد للمستشفى وراحو كلهم هناك وقدام غرفة العمليات ام حمد::يارب سترك يارب ربي يقومك ياوليدي بالسلامة امل وهي تصيح::هدي نفسك عمتي مابيصير الا الخير طلع الدكتور من غرفة العمليات وبسرعة راحو لة كلهم ام حمد::خير يادكتور وش فية ولدي الدكتور::من فيكم ابوة محمد::ابوة مو هنا انا خالة الدكتور:: ممكن تجي معي شوي للمكتب ام حمد::دكتوور وش فية ولدي تكلم محمد::هدي يام حمدمافية الا الخير انا بشوف الدكتوروبجيك في المكتب الدكتور::صراحة يااخ محمد السيارة من الحادث طاحت منها قطعة ثقيلة على رجل حمد اليسرى وهذا اللي ادى الى كسر بالغ فيها وحنا بدورنا قمنا بتدخل جراحي وحاولنا ربط العظم مع بعض وغير كذا حمد في غيبوبة محمد::لاحول ولاقوة الا بالله الدكتور::معنا اربع وعشرين ساعة ان صحى منها فربك كريم وان ماصحى راح تكون غيبوبة دائمة محمد:: مشكوور يادكتور وجزاك الله خير طلع محمد من عند الدكتور ام حمد بسرعة تجي عندة:: بشر يامحمد حمد وش فية ووينة محمد::ادعولة يقوم بالسلامة اذا عدت الاربع وعشرين ساعة على خير باذن الله بيقوم ام حمد::كلة منك انت السبب انت السبب وتطيح عليهم ام حمد وياخذونها يودونها لغرفة ترتاح واعطوها ابة مهدئة والكل جلس ينتطر بالمستشفى قبل مانشوف وش بيصير برجعكم شوي ورا لوقت الحادث في بيت ابو حمد كانو جالسين سارة وريم في بيت ابو حمد في الصالة سارة::ريم تكفين خلي دبي الحين يجي مسلسل حلو ريم::مابي انا ابي اشوف سبيس ستون عليه كونان الحين يجي سارة::والله انك بزر حطي المسلسل ريم::اقول كلش والا كونان هذا كرتوني المفضل سارة::ياحوول انتي مامنك فايدة ريم::قلبي حمد اخوي سارة::وش فيك ريم ريم::مدري قلبي نغزني اكيدحمد فيةشئ سارة::لا مافية الا الخير ريم::بتصل علية اتطمن وتتصل ريم على جوال حمدمغلق وعلى جوال امها مغلق ريم::والله صاير شئ والا مابقفلون جولاتهم سارة::طيب اتصلي على خالك والا على امل وتتصل ريم ريم::كلهم مغلق مدري سارة قلبي قابضني اكيد حمد فية شئ سارة::لا ان شاءالله مافية الا الخير طيب انا تاخرت بروح للبيت وطمنيني على اهلك خلاص ريم::لا خليك معي وربي خايفة سارة::ودي ابقى بس امي الحين تبيني بتجي خالتي ولازم اكون موجودة بينا كول ريم::طيب خلاص نرجع الحين في الدمام وبالتحديد في المستشفى الوقت 12 نص الليل الكب مو راضي يرجع البيت وجالسين قدام غرفةحمد في قسم العناية المركزة وامل تناظر فية من ورا الزجاج وتتحسر علية ودموعها اربع اربع وتدعي ربها انة يقومة بالسلامة لهم التفتت امل حولها مالقت غير عمتها وامها يصلون ويدعون اما خالد وابوها ماتدري وين راحو فاستغلت الفرصة وادخلت عند حمد امل وهي تبكي::حمد حبيبي قوم يالله ادري انك تلعب باعصابي يالله حمد انت ماوعدتني انك تكون لي يالله قوم لاتروح وتخليني
|
|||||||||||
|
|
|
02-15-2008, 08:22 PM
|
رقم المشاركة : 14 | |||||||||||
|
بهالوقت جا محمد ودجور امل مالقاها بس لقى باب الغرفة مفتوح راح بيسكرةالا شاف امل وهي تتكلم قرب علشان يطلعها بس جلس يسمع امل::حمد تكفى تذكر يوم كنا صغر في المزرعة وش كنت تقول كنت تقول انا باكبر بسرعة واروح ادرس واجيب الشهادة واجي اخطفك على الحصان الابيض يالله ياحمد انا استناك الحين على الحصان الابيض ادري انك تسمعني بس تبي تتغلى علي تكفى حمد قوم واقهرهم هم يقولون انك بتروح عني بس انا لاني احبك واعرفك زين ادري انك بعد تحبني وماراح تتركني لحالي والله مافي احد راح ياخذني منك انا لك وبس حمد حبيبي يالله هذا عمتي هنا تستناك وانا وكلنا نحبك وتنزل دمعتها على يد حمد هنا حمد كان يسمع امل ويتقطع من داخلة يبي يفتح عيونة بس مو قادر فنزلت دمعة من عينة على كلامها امل فرحت يوم شافتها معناها حمدسمعها::حمد يالله فتح خلني اشوفكوتصد امل تبي تنادي عمتها وتنصدم بابوها واقف وراها امل::يبة حمد حمد نزل دمة يعني مامات ولا راح عمتي تعالي شوفي حمد حي ياعمتي وتجي ام حمد تدخل وتقرب من عند حمد والا شوي يحاول يفتح عيونة بس مايقدر يحاول مايقدر ام حمد تمسك يد حمد:::بس يمة لاتجهد نفسك اهم شئ عرفت انك صحيت امل وبفرح::يبة حمد حي عمتي حمد حي قلتلكم انا ماصدقتوني قلتلكم مستحيل يروح ويخليني هو وعدني هنا تاثر محمد وقام وطلع قبل لايطلع محمد سمع حركة صد شاف حمد يحاول يتكلم ماقدر مد يدة بمعنى خالي تعال راح محمد عند حمد وقرب منة حمد والدمعة على عينة::خ..خ...خالي امل امل محمد يحط يدة على فم حمد ::لاتجهد نفسك ياولدي انت قوم الحين بعدين نتفاهم اهم شئ سلامتك ياولد الغالية حمد::ب....بس.. ا..م...ل محمدتقطع قلبة على حمد وطلع بسرعة ام حمد::وين رايح ياخوي محمد::انتم خبرتو ابوحمد ام حمد::لا محمد::طيب انا بخبرة خلية يجي مادام حمد قام اتصل محمد على ابو حمد وخبرة ابو حمد::لاحول ولاقوة الا بالله ومتى صار هالشئ وليه ماقلتولي بدري محمد::ماحبينا نزعجك يابو حمد ابوحمد::بس هذا ولدي محمد::اهم شئ سلامتة الحين ابو حمد::انا جاي بعد شوي محمد:طيب فمان الله ابو حمد::فمان الكريم ويروح ابوحمد للبيت ابو حمد::ريم ريم ريم::هلا يبة ابو حمد::يبة ريم انا رايح الشرقية ابيك تنتبهين على اخوانك ريم::خير في شئ ابو حمد::لا مافي شئ ريم::يبة قلبي قابضني من العصر حمد فية شئ ابوحمد يدري ان احساس ريم بحمد كثير فقرر يقولها::بصراحة يابنتي حمد سوا حادث وهو بالمستشفى ريم::لا حمد يبة ابي اروح معك وتجلس تبكي ابوحمد::هدي يابنتي مافية الا الخير وخالك كلمني وطمني علية ريم وهي تبكي وتضم ابوها::بس هذا حمدج يايبة هذا الغاليماعلي بروح معك الحين ابوحمد::واخوانك من يجلس عندهم ريم::مدري كيفهم اهم شئ ابي اشوف حمد ابوحمد::لاحول ولاقوة الا بالله يدري ان بنتة عنيدة وبتسوي اللي براسها فعلشان كذا رضخ للامر الواقع فقرر يقوم مريم ومحمد ويوديهم بيت ابونواف طبعن محمد ومريم ماناقشو الموضوع لان شافو ابوهم زعلان ابوحمد::والله يابونواف خجلان منكم بس شسوي مااقدر اخذهم معي ابونواف::لاتقول هالكلام ومحمد ومريم بعيوني الثنتين هذولا حسبة عيالي ابوحمد::تسلم يابونواف وان ان شاءالله يوم يومين وانا راحع بس اطمن على حمد ابو نواف::خلاص بس طمنا علية ابو حمد::ان شاءالله ويروح ابو حمد وبنتة ريم يمشون للدمام الساعة 1 وطبعن ريم طول الطريق تبكي وابوها يهدي فيها نرجع عند حمد صحا حمدونقلوة غرفة خاصة على الساعة 3 الفجر طبعن الكل مجتمع عندة وماراح يرتاح حمد وبصوت شبة مسموع::يمة روحو ارتاحو ام حمد::حنا مرتاحين عندك يمة امل::حمدالله على سلامتك حمد حمد::الله يسلمك يلتفت صوب خالة خالي وش قال الدكتور مدري احس رجلي مااقدر احركها بهالوقت تدخل ريم::حــــــــمد حمدالله على سلامتك ياخوي خوفتني عليك وتروح تجلس بجنبة وتتفحصة من فوق لين تحت بسم الله عليك ياخوي يوجعك شئ قلي حمد::لا مافيني شئ اقول كلتيني بعيونك تتفحصين فيني تقول سيارة توها طالعة من الوكالة الكل::ههههههههههههههههههه ريم::حلو التشبية بس لاتعيدة مرة ثانية حمد::ههههههه أي ريم::وش فيك ياخوي حمد::مافي شئ بس رجلي توجعني شوي ابو حمد::ممكن تطلعون شوي تخلوني مع حمد وطلع الكل وبقى حمد وابوة ابوحمد::انت انسان مؤمن وقوي ياحمد حمد وعلامات الحزن بوجهه::ماراح امشي مرة ثانية انا حاس ابوحمد::لا ياولدي لاتقول كذا بس كل مافي الامر انك يوم بتطلع بتاخذ معك عكاز بيبقى معك مدة معينة وبالعلاج الطبيعي راح تمشي لانهم عملو تلحيم للعظم وان شاءالله ريم تدخل مع الباب::حمودي حمد وهو متضايق::انتي وش دخلك برا يالله ريم تبكي اول مرة حمد يعاملها كذا::حمد ابي اجلس عندك شوي حمد::اقول برا برا ابوحمد::ريم امشي برا شوي خلية يرتاح وطلعو من عندة وخلوة يرتاح وريجعو ثاني يوم العصر والكل في الغرفة عندة امل::حمدالله على السلامة حمد وهو يصد عنها::الله يسلمك محمد::بصراحة انا خلاص موافق عليك ياحمد حمد::بس انا مابي اتزوج خلاص ام حمد::ولية ياولدي حمد::اسمعوني كلكم صدق انا احب امل وابيها بس مابي اظلمها معي انا انسان ماراح امشي خلاص خلوها تشوف نصيبها مع خيري وربي يهنيها وتنزل دمعة من عينة امل::بس انا مابي غيرك قابلتك في كل عيوبك حمد::امل قلتلك شوفي حالك امل ودمعه تنزل منها::ماخبرتك ياحمد ضعيف كذا الدكتور ماقال انك مااراح تمشي خلاص بالعلاج الطبيعي بتمشي ليه تبي تحرمني وتحرمنفسكمن حلمنا ليه ياحمد وبعدين انا راضية فيك لو انك على كرسي تمشي بسم الله عليك محمد::بنتي صادقة ياحمد وانا راضي فيك يكفي ان اللي صارللك بسببي حمد::ريم تعالي اجلسي عندي مشتاقلك ريم::مابي ليه تطردني مشوين وتمد بوزها حمد::والله اسف بس مدري وش صار فيني ريم تروح عند حمد وتبوس راسه::اقول لو سمحتوا ممكن تخلوني مع اخوي شوي ام حمد ::ياسلام هذي طردة يعني ريم::افااااااا لاتفهموني غلط بس بغيت اسويلة قرصة اذن وبعدين ياخالي ترا حمد وامل خطبتهم بعد مايطلع ولدنا من المستشفى صح يبة ابوحمد::صح يابنيتي حمد::لحظة لحظة انتي مقررة وخالصة واحنا العرسان ماشاورتينا ريم::انتم مالكم دخل بشئ بس اتزوجو وفكوني حمد::ليه قاعدين على قلبك ريم::اية خلوني اشوف حياتي الخاصة الكل:هههههههههههههههههههههههههه ابوحمد::الريامي عيني عينك هالكلام ريم ::بس كذا يبة خلني اسكتهم علشان يستعجلون وبكذا الحمدالله انحلت مشكلة حمد اللي كانت تبي تتعقد بس خلوني اقولكم شئ تذكرون يوم طلع محمد من عند حمد اول ماصحى راح لصديقة عبداللة محمد::والله يابو احمد ولدك ونعم الرجال والكل يتمناه بس ياخوي الزواج قسمة ونصيب ابواحمد::وكلمتك يابوخالد لي محمد::انا معك اني اعطيتك كلمة لكن مااقدر اغصب البنت على شئ ماتبية ابواحمد::الحين بنتك تتحكمبك محمد::انا ماحد يتحكمبي لكن الدين قال لازم موافقة البنت والبنت اسخارت وماصار نصيب وبعدين انا قلتلك ولدك ونعم الرجال ومافي احد بيردة وبيلقى احسن من بنتي ابواحمد::بس انا كان ودي اناسبك محمد::حتى انا لكن النصيب ياعبدالله طيب عن اذنك انا بروح لان ولد اختي بالمستشفى ابواحمد::مايشوف شر سلامتة محمد::الشر مايجيك وبكذا انهى محمد موضوع بنتة بعد ماشاف حمد وامل وتعلقهم ببعض وعرف ان ماحد بيحط بنتة بعيونةاكثرمنة وبكذا انا تعبت وانتهى الجزء بنشوف وش بيصير بخطبة حمد وامل؟؟؟؟ عاد ياليت يعجبكم وابي ارائكم اللي تخليني اواصل
|
|||||||||||
|
|
|
02-17-2008, 07:27 PM
|
رقم المشاركة : 15 | |||||||||||||
|
يعطيييييييييييييييييك الف الف الف مليون عافيه تبين رايي القصه روووووووعه وجنان تسلمين يالغلا وننتظر التكمله تحياتـــــــــــــي لكـ 
التعديل الأخير تم بواسطة : اهااااات بتاريخ 02-17-2008 الساعة 07:28 PM .
|
|||||||||||||
|
|
|
02-18-2008, 02:53 PM
|
رقم المشاركة : 16 | |||||||||||||
|
ماشاء الله باين على القصة مرة حلوة دائمة مبدعة يعطيكي ألف العافيه نتتظر التكملة
|
|||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
العرض العادي
