لا تفوتكم هالقصه تفووق الخيال .... اسرعووو لا تفوتكم رووعه

[grade="FF0000 FF0000 FF1493 FF1493 32CD32"]لا تتضايقون من العنوان ولا تقولون اني من الشباب اياهم

لاني و بصريح العبارة راحت علي و كبرت على هالحركات لكن

ابليس سود الله وجهه غرني و لعب بي لعبة الفار في بطن قطوتي.

المهم ما اطول عليكم السالفة ادري انكم مشغولين و ما وراكم

شي ::13:ما تجي يابو الشباب)

المهم كنت في سيارتي الرهيبة اللي رفضها المتحف الوطني

لانها على حسب كلامهم قديمة حبتين. اتمشى بين الحواري في

الخبر لان المرور و الدوريات متخذين مني تعهد اني ما اتمشى

في الكورنيش حفاظا على ارواح العصافير و المصطافين و للحد

من مرض الربو اللي تسببه شكمانات سيارتي. ولاني مواطن متقيد

بالانظمه لحد الاعتقال،فقد قررت الرضوخ لأوامر الحكومة

باحترام الكورنيش كواجهه حضارية لمستخدمين غير حضاريين

البته (حلوه البته هذي) والمشكلة ان كورنيش الخبر ما تشوف

فيه الا الاجانب و كم سائح داخلي مع اقامة دائمة:والذكي

يفهمها) و هالشله اللي يجلسون ورى المريديان.. قدام

البحيرة و كل يوم عندهم عشا. وما امر عليهم الا واقفين

يسلمون و حب خشوم (متى بيتعشون ما ادري؟؟؟؟) وتشوفهم في كل

فصول السنة حتى في الرطوبة. المهم مش هذا موضوعنا

وش موضوعنا اصلا؟ ايه تذكرت
المهم شفت واحد من خوياي القدامى..وهو بصراحة ولد عز و اكل

وز..المهم قام يرحب و يهلي :كيف الحال يا...(وجع بغيت اقول

اسمي)

وقال قم معي نتمشى ترى وحشتني سواليفك وحشة شوفتك

اكثر (هو من صغره يحب فيروز)

قلت له بكل وقاحة:قم معي بسيارتي

رد علي بكل ادب:كل تبن وتعال معي.??:
وبكل عنجهية طفيت سيارتي (اصلا كانت طافية من الحرارة بس

سحبت المفتاح) علشان لا يسرقونها الجن

المهم واحنا نتمشى قال لي صديقي:خاطري ب باسكن روبنز

قلت له:اخبرك كنت تعسل وراك قلبت؟

قال بكل لطف: الشرهه مهيب عليك يالمتخلف

المهم نزل ولد الزوات يشتري عسكريم وانا جالس بالسيارة

وشوي الا سيارة كامري مضلله من ورى و فيها بنات.

طبعا بتقولون كيف عرفت انه فيها بنات وهي مضلله

بقول لكم لان صديقي جا يركض و علمني ان في السيارة بنات و

كانوا يناظروني انا.

قال لي :وش سويت لهم انت؟ اشرت لهم؟

قلت:لا والله

قال اجل وش سويت

قلت و العرق يتصبب من انهارا و انهارا: اني جلست مكانه يوم

نزل يشتري عسكريم لانه ودي من زمان العب بدركسون فياجرا.

(يلعن تاريخ الاحراج)

قال:اجل ناظروك يحسبونك راعي السيارة(يلعن ام الزعاطة)

قلت له:بس يمكن ناظروني علشان اخلاقي عالية(يلعن ابو البلاهة)

قال بسخرية مثل سخرية القدر:علشان اخلاقك عالية

قلت بكل فخر:اي نعم اخلاقي عاليه بنت الحسين ملك دمشق(ميح

في الجغرافيا والتاريخ)

قال اسكت برقمهم

قام وفتح الشباك وقال لهم رقمه المميز جدا

قال خمس دقايق و يتصلون

قلت: وش عنده (ماجي فرح)

قال ياحبيبي هذول بنات في كامري مظلل مستاجر من شركة،يعني

طالعين يترقمون(يلعن جد المنطق اللي مافيه منطق)

قلت ياخي خاف الله ولا تقذف المحصنات,ترى اصابعك مهيب سوى,

يمكن اصابعك شريحة مفتوحة

وللاسف الشديد اتصلوا بعد اقل من فايف منتس

دقة وحدة فقط لاغير

قال شفت؟

قلت :لا ، سمعت.

اتصل فيهم و قام يسولف وشوي الا قال :انتي تبين مين فينا.

قالت: ابي راعي السيارة

قال انا.

قالت انت كنت حاسر

قالها لا انا لابس شماغ

قالت لأ ، انا ابي الحاسر

قالها بقرف:خذي كلميه عليك بالعافيه

قلت لها وانا ارجف من شدة الهلع،كنت خايف تمر الهيئة وانا

اكلمهم. المهم قامت تسولف

و قالت:ممكن تشتري لي بطاقة سوا

قلت:لحظة(ناظرت المحفظة ثم التفت على صديقي وقلت له عندك سلف 80 ريال لان ماعندي الا30ريال)

قال بس البطاقة ب100 ريال

قلت له يعني تبيني اجلس على الحديدة؟ الا وش رايك تشتري

الحديدة؟

قال :مش مشكله قلها اوكيه وقلها متى بنشوفكم؟ (اسلوبه زاق)

قلت :ولا يهمك متى بنشوفكم

قالت :وراك مستعجل كذا ؟

قلت: والله انا مانيب مستعجل هذا صديقي اللي مستعجل.
قام وضربني كوع في كتفي ولولا اني في سيارته والجو حار والا

كان سويت له دبل كيك في السيارة.

المهم قالت :انا رايحة قزاز اشتري عطر جديد اسمه.....(نسيت اسمه لكن ريحته خايسه)

واستطردت قائلة بكل بجاحة:وش رايك تشتري لي العطر عربون محبه

(ناظرت في المحفظة و ناظرت صديقي و توني بتكلم وقال مش مشكلة وقلها وش رايكم نتعشى سوى)

قلت لها مش مشكلة وش رايكم نتعشى سوى؟

قالت اوكيه بس احنا ودنا نتعشى في الشاليهات

قلت اي مطعم في الشاليهات؟

الا بذاك الكوع المحترم من صديق الطفولة

قلت له بصوت خافت:وش فيك يا جحش ترافس؟

قال بصوت خافت اكثر:عندنا شاليه ملك.

قلت بصوت متحشرج:انت عندك

قال ايه ولو ما عندنا نستاجر لمدة يوم

قلت لها:ايه عندنا

قالت:وين؟

قلت لها في هاف مون

قالت كم غرفة

قلت لها:شاليه كبير ابو عمودين

قالت اوكيه الوعد في المكان الفلاني بعد ماتشتري البطاقة والعطر تستاجر الشاليه.

قفلت

وقال صديقي هذي ممكن تعبدك عبادة لو تدخل معها في علاقة بس

وفر لها طلباتها.

قلت له نزلني عند سيارتي

قال وراك؟

قلت اليوم انت بتدفع عني ...طيب بكره مين بيدفع

انا ما اقدر على اتفاقية الحب مقابل الهدايا...انا يوم اتعشى و يومين لا... رغم اني افهم في الحب اكثر منك...
نزلني تكفى قبل ما اكره نفسي اكثر

نزلني و راح لهم مع صديق ثاني غني مثله

وبعد ساعتين اتصل فيني

قلت له:ها وينك؟

قال:في الشاليهات مع البنات...انت وينك؟

قلت له: احاول احصل واحد يسوي اشتراك لسيارتي لان البطاريه

ضعيفة.
----------------------

طبعا القصة كلهامن وحي الخيال لكن ما اردت قوله بكل ايمان

وثقة انه وللاسف في زماننا هذا اصبح الحب وكانه للاغنياء فقط.
تقبلوو تحيااتي
اخوكم
سمووو الامير ---- الخيال [/grade]