إحصائية العضو

ماتعودت الخضوع وطوعت النفس اللعينـه = وما تفائلت برجوعك لـو علـي بترجعيـن

هذي والله مو قساوه ونتي قلبـي تعرفينـه = كان ميت فيك لاكـن للاسـف تستهزئيـن

التشائم في رجوعك لـو نويتـي تتركينـه = ما يسرك دامك انتي طاايحه من كـل عيـن

مستحيل اعطف وجيلك لو تقوليلـي حزينـه = دامك انتي ما عطفتي يوم شفتينـي حزيـن

اتركيني جف دمعي مل قلبـي مـن حنينـه = لو تصورتي احبك عكـس مـا تتصوريـن

كنت هاديلك ضميري من قبـل لا تطلبينـه = وكنت اضحي لجل قربك وأدري ما تستاهلين

وكان قلبي حيل ينادي من حنينه وتحقرينـه = كنتي كنك ما سمعتي وانتي اللـي تسمعيـن

وكنت هايم في جمالك وقلت هذا الزين وينه = ويوم حبيتـك بعدتـي والسبـب تتكبريـن

وكنت كاتم كل يومٍ(ن) فيه قلبـي تجرحينـه = ولـو المحلـك بكلمـه والله ادري تزعليـن

الاكيد اني عرفتك بس في غـدرك ذهينـه = دوريلك حد يمكـن فـي هـواه بتمرحيـن

ولا انا ما تنفعينـي دوري مـن تنقصينـه = وانتي بسبع المذاهب لا حشـى مـا تنفعيـن

كيف اعزي موت قلبي فيك وانتي تكرهينـه = وليش احزن في غيابك وانتي اللي تفرحيـن

يعني لو هليت دمعي عارفك مـا تمسحينـه = ياعداوه دون سبـه ليـش مـا تستسلميـن

ماني خايف هذا حربك مستهينـه مستهينـه = كيف اشوف الموت وانتي بالبدايه تخسريـن

انهزامك هذا فوزي بالهـوى يـا مستهينـه = ولو نويتي تكسريني مـا قدرتـي تكسريـن

ولاعرفتي من يحبك ولا عرفتـي تعشقينـه = وبأتخاذ آخر قـرارك للاسـف تستعجليـن

هالله هالله فالركـاده وكـل شي(ن)تملكينـه = وهالله هالله بالذرابـه واحتـرام الآخريـن

واحذفي ماكان هم(ن)فـوق متنـك تنقلينـه = لايعزز في مكانه ويصبـح بمتنـك سجيـن

لو عذولي ما يعرفك ودي اصافـح يمينـه = بس وين القـى عذولـي دام فيـه بتبعديـن

البقيه في حياتك فـي مماتـه يـا حزينـه = كيف اشوف الموت وانتي بالبدايه تخسريـن

اتركيني جف دمعي مل قلبـي مـن حنينـه = ماتفائلت برجوعـك لـو علـي بترجعيـن

إحصائية العضو