|
|
|
|
|
 |
|
|
|
|
|
|
|
|
| اشترك في قروب دلع ليصلك جديدنا |
| زيارة هذه المجموعة |
|
||
| العضو المميز | الموضوع المميز | المشرف المميز |
(عاشقــ(M)ــة الليل) |
همســُ‘ـة غــُ‘ـرٍَوٍبًَّ |
|
|
|||||||
| التسجيل | التعليمـــات | قائمة الأعضاء | التقويم | اجعل كافة المشاركات مقروءة |
| منتدى الضحك والهسترة يختص بالوناسه وتوسيع الصدر والاقلاع بعيد عن الجديه والواقع |
 الإهداءات |
 |
|
|
LinkBack | أدوات الموضوع | طرق مشاهدة الموضوع |
04-20-2005, 09:04 AM
|
رقم المشاركة : 1 | ||||||||||||||
|
سكرتيرر الوالده و الخااااال ..!!!!!!!
بسم الله .. في صباح يوم بن كلب .. لدرجة ان الازهار تخم بعضها من التمغط اللي ماله سنع وتتفتح الورود تفتحا غير طبيعيا لايخطر لا على البال ولا على الخاطر .. والله ياعالم اني ما اعرف اقدم مقدمات فكوني بس وخلوني اقص لكم قصتي اللي صارت لي وانا مسافر مع البابا والماما والبراذرات < ماعنده سسترات لانه مايحب الدخاترة .. هذا يا اللحى الغانمة والخدود الممكيجه كنا مسافرين انا واعائلة الكريمة الموقرة والتي تتكون من ابو وام < لايشيخ  .. و اربع عيال وبنتين وولد جاي هدية يوم اميشرت وجبة الطفل من تنكاتي اللي بالبديعه .. ماعلينا .. كنا في الفندق ابو 6 نجمات ونص  وثلاث ارباع نجمة الا شوي في ديرة تبون الصدز اني ما اعرف انطق اسمها زين بس بجيبها لكم جنب القدة وعاد انتم وشطارتكم مع اني داري ان ولا واحد فيكم بيفهمها بس بقولها يمكن احد يطلع زيي ذكي وفطين ويترجمها لنا < انطم البلد سلمكم الله مسطرده دام .. ياهي طلعت فيني شيب اخضر وغدى راسي يشبه ذا . .من كثر ما انا عاجز امسك الاسم جعله الماحي ..تعرفون عاد ابوي ماشا الله عليه كاش لدرجة انه كل ما يعطس يمش خشمه بمية دولار واذا عرق يمش عرقه بميتين وخمسين .. قلت له مرة بابا ليه انت تمش خشمك الافطس بمية واذا عرقت تمش عرقك الخايس بميتين وخمسين .. انا ما امداني اخلص جملتي مادريت الا الوالد الله يحفظه ويكرمه سافني برموت ابو اربع حجارات بسرعة تقارب المليون كيلو متر ونص في الساعة < تسمع بالفيزيا انت وقال لي لاعاد تذب علي الله يرضالي عليك مرتن ثانية لان هالمرة جاك ريموت مالها داعي يقولون علق ولده من رجوله في خزان الموية اللي بسطح بيتهم .. الله يصلحك بس قلت له سم .. .. قلت له بابا وش سويت انا عشان تسوي كذا .. قال لاعاد تقاطعني وانا ابوك . والله وقرر رب العائلة الكريمة السفر بنا الى ارض الوطن لانه قال لعن الله آبو من يمشيكم عائلة فقر .. الحرمة تمشي ولابستن عباية وجزمة زهرية .. والبنات يمشون وكل ماناظروا محل تجميل قالوا فلم خيالي .. والعيال كل ماشافوا بنية قالوا نبي نعرس عليها .. باللهي ذي عائلة << طبعا سكرتير ماهوب من ذولي اللي يبون يعرسون سكرتيرعينه مليانة اله لايضره ومؤدب وكان هادي لدرجة انه كل ماشاف بنت مسطردامية قام يقارنهم ببنات ديرته ويقول [ ولله في خلقه شؤون ] .. وطبعا مايسوي شي دايم عينه صافقه الارض لانه الصغير بين اخوانه ومايمشي الا ومعه ابوه وكل مايشوفه ابوه يناظر عطاه كف حلاقه باللهي هذا ابو .. وخذانا ابونا الكريم الله يطول بعمره الى المطار حقهم .. على اساس العودة الى ديار الوطن ونحمل هـ الخيشات في العربية وندور حمالي يجي يشيلهم مالقينا وعاد انا لقيت هندي كاشخ قلت بس هذا مشارك في مسابقة سن توب وربح له قيم بوي وباعه على ورع مايدري وين ربك حاطه بمبلغ كبير وشرا بفلوس القيم بوي بدلة من العويس من جهة محلات الرياضة من ورا طقم وش حليله والله واجيه واقول له انتم كلكم هنا كاشخين تسذا ؟ قال لي ولكم ولكم .. قلت له لايكثر خذ دف هالعربية المليانة خيشات الا وشوي ويصطرني ذاك الكف اللي مدري وش يبي .. قلت له ماقظيت من ابوي تجيني انت قلت له خير وش فيك ؟ قال " انا يسيل في بلد امك مو هنا " قلت بس هذا اللي محتر من كفيله وبرد حرته فيني .. عاد رحت انا في حالي ودفيتها وامري لله .. رحت لامي قلت لها وش سوالي الهندي قالت لي احسن من قالك تروح له هذا بدال ما تهتم باغراض اهلك تروح تأمن لواحد في ديرة كفار .. يوم شفت الدعوه كذا رحت لابوي ابيه يقول لاخواني يساعدوني لاني مخاصمهم عشانهم كلو فطوري قام رد ابوي علي وقال لي عض على شحمه وشل الاغراض لا اطلع العقال من الخيشة وامردغك قدام الله وخلقه في هالمطار .. والله اني مسيكين ياناس .. شلتها ورحنا للتمرجية اللي يفتشون الشنط .. قالوا خير خير خير طبعا بلغتهم قلت لهم ابي اركب الطيارة هذا عفشنا .. مالي وجه اقول شنط وهي خيشات مقلمة باحمر وكحلي وتنصك بسحاب منقطع الا شوي باللهي هذي حالة .. قالوا وش فيها نشوفها متفخه < برضوه بلغتهم ترا قلت لهم فيها اغراض قالوا باللهي قلت اي والله جيبو المصحف احلف بعد .. < على نياته .. ويجدعوني مع راس فنيلتي من ورا ويقولون تعال ياروح امك .. تستظرف على اهل مندوبنا هنا تحسب ماورانا الا انت .. قلت لا والله العظيم اني ما اصتظرف ابدن < كذا ينطقها مروض .. وياخذوني لذيك الغرفة اللي مغلفينها بقزاز ازرق غامق كل ما اناظر فيه تطلع لي خشيشتي مع قذلتي اللي ممتلية زعابيل من كثر ما ازبطها .. ما امداني اقرا اية الكرسي الا ويدخل علي ذاك الخااااااااااااااااااااااال اللي طوله مترين وكسور ومفتول العضلات.. ومحلق على الزييييرو وعيونه حمررر تقول ماقد شاف بطانية له قرن .. وجاني ويتلني من صدري ويقول وين القنبلة !! .. قلت له وش قنبلته بعد !! قال ترا مانيب مخفة زي الابيض اللي تو يعطيك وجه ويجيبك لغرفة .. انا ماعندي مزح ترى بألعن ابو سلسفيل اهل مندوب من جابك لـ هالديرة انا استانست محد جابني الا ابوي الله يطول بعمره .. وانا بعد تمعن اكتشفت ان الصلع اللي فيه خلقه ماهوب حلاقة قال لي انا من اول يوم شفتكم نازلين من الطيارة يوم وصلتو قبل امس وانا شاك فيك انت بالذات شكلك ارهابي .. اسألكم بالله يالربع < هالاطخم ينفع يصير ارهابي ..!! وش جاب الثرى للثريا وانا اخوك .. هذا ردي عليه .. شوي وينزلني ويمسك قذيلتي ويقول فرحان فيها يالبزر !! قلت له يالاخو انا عندي قذيلة اقدر امشطها موب مثلك كل ماشاف مشط يصيح .. و اطلع لساني له شوي ويجيني وهو معصب فوق التعصيبه مني قبل وينتف قذيلتي عاد انا خنقتني العبرة وقفلت معي وقلت له : شف يالاخو عطيناك وجه انت وربعك في هالمطار تطقون وتزفون وتسبون وتلعنون والدا والديني بس انك تنتف قذيلتي ما اسمح .. كل ذا عشانك تتنمى تجرب شامبو هند اند شولدراس ابو نعناع قال لي وش بتسوي ياروح امك يعني .. ابنتف القذلة وبنتفك من الارض بعد انت وهالوجه تقول صورة ماجي .. انا عقب ماذب هالذبة الا وتقفل معي من جد .. قلت له تبي تشوف وش بسوي قال ايه .. قلت متأكد قال ايه .. قلت له جواب نهائي .. قال ايه قلت له ياخوك تأكد من اجابتك ترا فيه وسائل مساعدة .. وقلت له تراني ما احب العنف ويرن جواله .. وطلعه من جيبه ويرد عليه وانا اطيح ضحك عليه .. قال للي يكلمه لحظة ويجيني ويقول وش فيك تضحك ؟ لا تقول على جوالي .. ادري انه قديم بس تراه ماهوب حقي حق خويي يبي يجرب جهازي عطاني ذا مؤقتا .. قلت له كمل مكاالمتك ولا يدري احد وانا اخوك .. قال تكفا نخييتك وتكفا تهز الرجال وانت مواريك طيبة ماشا الله عليك .. قلت له اخلص وش طلبك .. قال لي نخيتك ان طلعت من هالغرفة لاتقول للمضيفة المزيونة اللي هناك ان جوالي رهيب مكسورة شاشته قلت له اي وحدة تقصد .. قال لي ذيك اللي روجها محدد وجهها وضروسها مكسورة مافيه الا ضرسين في الواجهة الرئيسية .. قلت له يرحم امك لاتقول لي انك تبي تشبكها قال ايه .. عاد انا بعد تفكير عميق وخبث فكري بن يهود طلعت لي فكرة جهنمية .. قلت له مانيب قايل بس بشرط .. قال لي انت تامر امر .. قلت له ابي اطلع من هالغرفة وابي امر من عند اهلي وانا تالك مع اذنك واقول لك من عمك وانت تقول سكرتير بن مفلح ال مناحي الثاني قال لي بس هالطلب .. قلت ايه .. قال لي تم .. ويجيكم سكرتير طالعن من الغرفة ومشمر عن اكمامه اللي كل مره يمش فيها خشمه وتال هالخال واخوانه يطالعون فيه وامه تطالع وتقول عاش وليدي عاش كفو والله العن امه بمخمس هالشين .. وابوي يقول في حال نفسه هذا الولد اللي كنت اصفقه طلع قوي الله يستر .. واخوانه راحو للمطعم وشرو لسكرتير وجبة دبل برغر يراضونه فيه .. الله من القمطه والله ... واقول له من عمك يقول اسمي ..و من عمك ويقول اسمي .. واقعد ارجفه واتفل بوجهه واقول من عمك يقول اسمي .. << ماينعطى وجه .. وامشي اهلي عاد واركبهم الطيارة ورجعنا للوطن وابوي يراضيني وبدت معاملته معي تصير زي السمنة على البر .. واخواني اخذوني يمشوني معهم ومع اخوياهم وخواتي يعطون رقمي لبنات الجامعه وانواع الاستغلال . تحياااتي لكم
|
||||||||||||||
|
|
04-20-2005, 02:23 PM
|
رقم المشاركة : 2 | |||||||||||||
|
[align=center]ومشمر عن اكمامه اللي كل مره يمش فيها خشمه وتال <<<<< مرجوووووووووووووووووووووووووووووووج قاضي خلاص مافيك عقل لبدن لبدن حتى 0% خخخخخخخخخخخخخخخخخخ خواتي يعطون رقمي لبنات الجامعه وانواع الاستغلال <<<< هذا اللي فالحن فيه ياولدها ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه ههههههههههههههههههههههههههههههههههههههههههههه الله يرجك يادب اقسم بالله اني مت ضحك عليك دميجه مدري من وين جايه شكلك تكتب هالتخريف وانت بحوشكم بعز القايله هههههههههههههههههههه بس ياحلالاه ليت الخال ماسمع كلامك ولا كان ابوك الحين طايحن فيك ظرب <<<< نذله هههههههههههههههههههههههههههههههههههههههههههههااااا ااي سكرتير عن جد رااااااااائع تخريف مهوب صاحي يعطيك العافيه والى المزيد من هالسوالف هههههههههههههه <<<< امحق مشرفه خخخخخخخخخخخخخ[/align]
|
|||||||||||||
|
|
|
04-21-2005, 07:48 AM
|
رقم المشاركة : 3 | ||||||||||||||
|
ههههههههههههههههههههههههه يسلمووووووووووووووو يامشرفتنا الموقره خخخخخخخخخخخخخخخخخخخخخ لولا ظرب ابوي ماطلعت هادمجه اللتي لا تكيل بذهب والبيدجااان خخخخخخخخخخخخخخخخخخخخ بعدين الواحد لازم يستغل الفرصه والحيااة فرص خخخخخخخخخخخخخخخخ مشكوووووووره يامشرفتنااا
|
||||||||||||||
|
|
|
04-22-2005, 04:42 AM
|
رقم المشاركة : 4 | ||||||||||||||
|
مشوواااااار اقرا الى انت كاتبه يبيلي يووووم فاضي امر واقراه الحين حبيت اسلم عليك معني ودي اعرف من انت خخخخخخخخخخخخخخخخ ادري انك عزيز وغالي بس وراك وراك مع تحيات اخوك بج بج
|
||||||||||||||
|
|
|
04-23-2005, 01:26 AM
|
رقم المشاركة : 5 | ||||||||||||||
|
هههههههههههههههههههههههههه يا بج بج يكفيني مرورك حبيبي خخخخخخخخخخخخخخخخخخ كم واحد يقولك يا السهااريه خخخخخخخخخخخخخخخخخخخخخخخ والله اني احبك
|
||||||||||||||
|
|
|
04-23-2005, 11:05 AM
|
رقم المشاركة : 6 | ||||||||||||||
|
الحرمة تمشي ولابستن عباية وجزمة زهرية .. والبنات يمشون وكل ماناظروا محل تجميل قالوا فلم خيالي .. والعيال كل ماشافوا بنية قالوا نبي نعرس عليها .. باللهي ذي عائلة << طبعا سكرتير ماهوب من ذولي اللي يبون يعرسون سكرتير عينه مليانة اله لايضره ومؤدب وكان هادي لدرجة انه كل ماشاف بنت مسطردامية قام يقارنهم ببنات ديرته ويقول [ ولله في خلقه شؤون ] .. وطبعا مايسوي شي دايم عينه صافقه الارض لانه الصغير بين اخوانه ومايمشي الا ومعه ابوه وكل مايشوفه ابوه يناظر عطاه كف حلاقه باللهي هذا ابو ..  خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخ الله يقطع سوالف شيطانك بقووه انت ان ان ان طبيعي وربي شربات ليه ماتلعب بلياردو ينطيك العافيه شو مهضوم
|
||||||||||||||
|
|
|
04-23-2005, 11:51 AM
|
رقم المشاركة : 7 | ||||||||||||||
|
[align=center]هههههههههههههههههههههههه ههههههههههههههههههههه ههههههههههههههههه يعطيك العافيه[/align]
|
||||||||||||||
|
|
|
04-23-2005, 04:14 PM
|
رقم المشاركة : 8 | ||||||||||||||
|
[align=center] اقتباس:
هههههههههههههههههههههههههههههههههههههههههههههههههه ههههههههههه هههههههههههههههههههههههههههههههههههههههههههههههههه هههههه هههههههههههههههههههههههههههههههههههههههههههههههههه ه هههههههههههههههههههههههههههههههههههههههههههههه هههههههههههههههههههههههههههههههههههههههه ههههههههههههههههههههههههههههههههههه ههههههههههههههههههههههههههههه ههههههههههههههههههههههههه ههههههههههههههههههههه ههههههههههههههه هههههههههه ههههه لا جـــــــــــــــــد فطستنـــي من الضحـك.. تكفــى نبــي مثـل هالابداعـــات اللي توســع الصــدر.. تحياتـــي..[/align]
|
||||||||||||||
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
.gif)
[/align]
العرض العادي
