[align=center]السلام عليكم ورحمة الله وبركاته
قصيـــدة للشاعر ناصر الضفيري
بإسم (( فـات الأوان يمــه ))
يايمه منتهي جيتك وطالب منك الغفران
أقبل قاعة أقدامك وأغسلها بدمعاتي
يايمه كل مافيني ينادي لك أنا ندمان
طلبتك قولي سامحتك وردي لوجهي بسماتي
انا أدري قلبك الطيب كسرته بصمة النكران
غلطت وغلطتي هذي تعير كل غلطاتي
تشوف الشيب يايمه ترى ماجاء أنا فرحان
وربي اللي رفع ذاتك ونزل للردي ذاتي
فقدت الراحة من بعد فقدت الطيبة والتحنان
بدونك راحتي غايه ..بيدينك هذي راحاتي
أنا 00 أنا بعدك ولا حاجة أنا بعدك ترى عميان
أشوف ولا أشوف إللي يوريني مساراتي..
أنا وسيد الشقا والهم من بعدك غدينا أخوان
يجيب همـــوم هالعالم ويرميها بمتاهاتي
صدقتي يوم قلتي لي تدين اليوم بس تندان
رميتك في بداياتي ورموني في نهاياتي
أنا من شالك بأيدة ورماك بأسفل البركان
نخيتيني وطلبتيني ولا حصلتي نخواتي
مثل ماهنتي بعيوني عليهم قلبي يمه هان
رموني وضعفهم فزعة وأنا دمعاتي فزعاتي
يايمه لا تظنيني انا من فعلهم زعلان
ســــوات فيك سويته وسووا فيني سواتي
يايمه يالله ضميني ودفيني بين الاحضان
أنا ادري فيك مشتاقة وهمك بس ملاقاتي
يايمه 00 يايمه حيــل ضميني أبي أرتاح انا تعبان
تعبت أهرب من ذنوبي أبي أجاخر مسافاتي
أبي أسمع منك أي كلمة لصوتك مسمعي ولهان
أبسمع يمــه بصوتك بذكر فيها نشواتي
أشوفك ساكتة يمه رضيتي ولا أنا غلطان
رضيتي يا بعد عمري تعبتي من مواساتي
يايمه 00 يايمه 00 يايمه
طالبك قومي إذا لي بعيونك شان
أشوف الموت بعيونك عساها تخيب هقواتي
تعالو يابشر شوفو أنا محتار أنا تلفان
أنا أمي مدري وشفيها أنا مدري انا احاتي
شنو 00
شنو 00 أمي أنا مات لا 000 لا ترى غلطان
انا أمي ماتخليني على حزني ووناتي
أنا امي قلبها طيب ولا يمكن تبكي إنسان
أنا أمي ماتبكيني ولا تتمنى آهاتي
يايمه صح مامتي وصح الموت تو ما حان
إذا متي أنا بعدك أبقضي وين ساعاتي
يايمه قومي وقولي الموت لا ماكان
أنا جيتك وأنا ناوي أبدل فيك جناتي
تركتيني ومتي ليه تركتيني وأنا غرقان
ولا مسموح ياوليدي ولا تلعنك لعناتي
أنا الجاني وانا المجني وأنا المخطي وأنا الندمان
وانا بأيدي رميتك وبعثرته ملفاتي
وجيت من الهناء مفلس وقلبي من الضنا خسران
تركتيني على ناري أعدد فيك زلاتي
ولاني مرضين ربي ولاني تابعن الشيطان
أنا بعدك ترى مابين نهاياتي وبداياتي
يايمه مرتجي جيتك وكلي مرتجي غفران
وشفت الناس تلعني وتحذرني من الاتي
***
[rams]http://www.al-zen.com/q9ayd/nsar_thfyri/fat_al_owan.ra[/rams]
اتمنــى تعجبكم..
تحياتــي..[/align]
الإهداءات
عقوق الوالديــــن!!
العرض العادي
