شي واحد قبل لا أرحل بقوله

شي واحد قبل لا أرحل بقوله

--------------------------------------------------------------------------------



***********
يا صاحبي جعل ربي يخليك
ارفق بقلبي وارحمه يا حياتي
ارحم غريق في غرامك يراعيك
بعدك عذاب وشوف زولك غناتي
بين العرب هواجس القلب تطريك
وماظن ينسى من يسوي سواتي
متعلق قلبي بحبك ويغليك
وعسى غلاكم ما يسبب وفاتي

*****************
اغليك وأغلي كل من كان يغليك
ويهون لأجلك كل درب مشيته
باصبر عسى الأيام تسمح وألاقيك
وترد لي قلبي مثل ما خذيته
وإلا أموت ويدفنوني بأراضيك
وأهنا بروحك لو هي الروح ميته

***************************
شخصن تتلاشى صورته بعد فرقاه
وشخصن تموت بصورته مانسيته
وشخصن تباشر بالمطر يوم تلقاه
ولو في يدك تعطيه عمرك عطيتة

********************************
خذتني للجفــا عزة وأخذني للعنــاد غرور
أخــاف أكون بغروري حبيب ومـــات بغروره
وإذا كــانت مسافات الغرام للغرام قبــــور
وش اللي يجبــر العاشق يخــــون ويحفر قبـــوره

*****************
شفتي شلون يا دنيا
شفتي شلون جازوني
حبيت بوفا وضحيت
وهم بالتالي باعوني
*****************
ما ألومك لو خنت قلب عاف البشر واختارك
ألوم نفسي أنا اللي قلبي ما عرف يختار

*****************
أنا إنسان لي عزة
ما أخضع إلا لرب يحيينـي
وإن كان لبعدك سبه
بُعــدٍ يحرقني ولا عشق يوطيني

*****************
إنت بحياتي غلطه
إنت ماضي انتهى
عيش حياتك لوحدك
عفت معك كل لحظه عشتها

*****************
ماني من اللي ينسى عشرتك ويروح
لكني من يغرسك وسط الحشى والروح

*****************
تخيل لو تفارقنا وعشنا بالهوا أغراب
تخيل لو تناسيتك وقلبك صار ناسيني

*****************
أعرف إن ما ودي أتكلم ولا أبكي
بس دايم دمعي يحرك سكاتي
شي واحد قبل لا أرحل بقوله
إنت أجمل حظ سيء في حياتي

*****************
لا تتهمني بالغدر والخيانة
أخون نفسي قبل أفكر أخونك
ما عاش من يرضى عليك الإهانة
ولا خير في عمر أعيشه بدونك

*****************
أنا رفيق الجرح من صغر سني
والجرح له في داخلي ألف عنوان
يا سيدي هم البشر صار مني
وأصبحت أنا تمثال لهموم إنسان
كل الوجيه تشابهت حد ضني
ما عاد أميز بين صادق وخوان
يا صاحبي لا تنشد الجرح عني
كل السوالف كذب صمت وحرمان

*****************
إذا قلت لي شلونك وأنا ضايق أقول بخير
مدامك سائلٍ عني أكيد إن ضيقتي راحت
أنا من كثر ما أحبك أشوفك في عيوني غير
تضيق النفس من غيرك ولا من شفتك ارتاحت

*****************
الوقت ما يلهي الغالي عن الغالي
عمر الزمن ما أشغل المخلص عن أحبابه

*****************

في ذمتي ماني عارف شي
مدري تبي فرقــاي وإلا تبيــني

*****************
كان المسافة ترفض إني أشوفك
خل اتصالك غصب عنها يجيني
وكان اتصالك يمنعنه ظروفك
تكفي الرسايل شوق بينك وبيني
وإن كان مالي حظ حتى بحروفك
خلك بعيد ومسكنك وسط عيني

*****************
واللي تحبه حيل يا شين فرقاه
جربتها وعندي عليها وثايق
ينساني الله إن كان في البعد بنساه
ما غيره بعيني من الناس لايق
*****************
أبعرف يا بحر وش ذنبي اللي بس سويته
أنا لا عمري جرحت إنسان ولا عمري بكيته
أبسكت يا بحر وأمشي
وأخلي ضيقتي فيني
أبسكت وأبتعد عنك
وأدور من يواسيني
تصدق يا بحر إني توقعتك تشيل عني همومي
ولكني انصدمت إنك غرقت بدمعة من عيني
*****************

أحبك كثر ما ضاقت أسباب الفراق صدور
أحبك كثر من اسمى يتيم وخاطره مسكور
أحبك كثر ما تنقال هالكلمة بدون شعور
أحبك كثر ما ضاق المكان بواحد مقهور
أحبك كثر ما طارت تحت شمس الزمان طيور
********************

لاتسألوني وش جرى في حياتي ..
خلوا همومي بالحشا مستقره...
الصمت ثوبي والمواجع عباتي...
والحزن كله وسط قلبي مقره..
لو أستعين بواقعي وذكرياتي..
أحيا وأموت بالثانيه ألف مره..
همي تجمع من جميع الجهات تجاوز
(((حدود الفلك والمجره)))
********************

ودي ولكن كيف تحقيق "" ودي""
عيا زماني لايجيلي على"" الكيف""
وفصلت من خام الشقا ثوب ""قدي""
وكسيت نفسي بالمنا ""والتحاسيف""
ياما تمنيت الدقايق ""تهدي""
وياما تمنيت الشتاء ينقلب""صيف""

*******************

أسألوا الآهات إش كثر أشتكت!!
أسألوا الدمعات كم مره نزفت!!!
أسألوا عيوني كم مره بكت!!!!
أسألوا شفاتي آخر مره ضحكت!!!
أسألوا السعاده ليه ودعتني واختفت!!!
أسألوا الأحزان ليش هامت فيني وسكنت!!!
اسألوا الأيام ليش طعنتني وجرحت

*********************

وشلون اسامح عيت النفس عيت
مازال في نفسي بقايا مراره
نفسي على فرقاك هلت وحيت
حطمت قلبي وانت سبة دماره
واليوم لو قالوا لي الناس ميت
يجوز من قاله ينال
البشاره

*******************

أميل للعزله وابعد عن الناس
مابي عيون الناس تنظر لحالي
قلبي من الحزن تايه منحاس
وعيني تهل الدمع ياعزتالي
جو السعاده تبدل بالأنفاس
من يوم ماجابتك لي الليالي
اذرف دموع الحزن واقول لاباس
ومن القهر تصفق يميني شمالي
********************
ليته يموت اليوم وارتاح انا منه
واطوي معه صفحة عذاب كتبها
ليته يموت وبثوب اسود اكفنه
وادفن مع الجثمان جروح جرحها
ليته قبل مايموت في صدره اطعنه
وأصيح بعالي الصوت
((((( حقي أخذته)))))

********************

رغم المسافه والجروح الكثيره
جيتك وأنا ماشوف غيرك ببالي
ورغم العنا يمك نويت المسيره
بمشي على دربك ولاني مبالي

*******************
ماعاد تفرق لو تجي صدمتي فيك
صدمات عمري زودتني مناااااعه
متساويه عندي وإذا قلت مااخفيك
((((((كل شي أحبه ))))))
((اتوقع ضياعه))
*****************

أتــــــــمـــــنى تـــــــــــعــــــــــجـــبكم..

[align=center][grade="800080 800080 800080 800080 800080"]أنا إنسان لي عزة
ما أخضع إلا لرب يحيينـي
وإن كان لبعدك سبه
بُعــدٍ يحرقني ولا عشق يوطيني[/grade]

[grade="00008B 00008B 00008B 00008B 00008B"]كل المسجات اعجبتني لكن هذي من جد اعجبتني كثيررررر

الله يسعدك @ صمت الشوق @
دائماً مميزه
حفظك الله[/grade][/align]

مسجات روعه وجميله

يعطيكي العافيه اختنا دوم مو يوم صمت الشوق

صموووته مسجات جات بوقتها

وربي انك ذوق

وتسلم ايدينك على المسجات

تسلم ايدك يا صموته على المسدجز دى


ما تحرمينا من جديدك

اخجلت تواضعي ,, انت المميز اخوي الغالي
تسلم اخوي على المرور
أسعدني تواجدك فلا تحرمنا من حضورك الدائم